İslam əleyhdarı Pegida sədri Hollandiyada Quranı yandırıb

Almaniyanın İslam əleyhinə Pegida hərəkatının Hollandiya bölməsinin rəhbəri Edvin Vaqensveld Amsterdam şəhər meriyası qarşısında polisin mühafizəsi altında Quranı yandırıb.

Hollandiyanın paytaxtı Amsterdamda Qurana qarşı islamofob və irqçi hücum həyata keçirilib.

Almaniyada anti-islamizmi ilə tanınan Pegida hərəkatının Hollandiya bölməsinin rəhbəri Edvin Vaqensveld Amsterdam meriyasının qarşısında Quranı yandırıb.

Polisin icazəsi ilə keçirildiyi bildirilən Vaqensveldin nümayişinə heç bir mühafizəçi müdaxilə etməyib.

Vaqensveld Hollandiyanın müxtəlif şəhərlərində oxşar təxribatlar törətmişdi və polis tərəfindən saxlanılmışdı.