Livan Hizbullah Hərəkatının İcraiyyə Şurasının sədri Seyid Haşim Səfiyuddinin taleyi ilə bağlı yeni iddia ortaya atılıb.
Sky News Arabia-nın İsrail mənbələrdən verdiyi xəbərə görə, Haşim Səfiyuddin cümə günü Beyrutun cənubunda İsrailin hücumu nəticəsində həyatını itirdiyi iddia edilib. Lakin bu xəbər müstəqil mənbələr tərəfindən hələlik təsdiqini tapmayıb.
Fələstini dəstəkləyən on minlərlə insan bu gün (5 oktyabr) şənbə günü Londonun mərkəzi küçələrində etiraz aksiyası keçirib, İsrail rejiminin Qəzzə və Livandakı vəhşi cinayətlərini pisləyərək, bu bölgələrin xalqı ilə həmrəy olduqlarını bildiriblər.
İsrail ordusu oktyabrın 4-də İraqdan işğal altındakı Colana pilotsuz təyyarənin buraxılması nəticəsində 2 İsrail əsgərinin öldüyünü, 23 əsgərin isə yaralandığını açıqlayıb.
İbranicə yayımlanan “Ynet” internet saytı bu gün (şənbə günü) yazıb: İraqdan işğal altındakı Qolana pilotsuz təyyarənin buraxılması zamanı iki əsgərin öldürülməsi və çoxlu sayda insanın yaralanmasından sonra İsrail İraqdakı silahlı qruplaşmalara qarşı tədbir görməyi planlaşdırır.”
Qazaxıstanın Çimkənd şəhərində yunan-Roma güləşi üzrə beynəlxalq turnir start götürüb.
Azərbaycan Güləş Federasiyasından verilən məlumata görə, akademik Mərdan Saparbayevin xatirəsinə keçirilən ənənəvi yarışda məşqçi Akif Əliyevin rəhbərliyi altında U-20 milli komandamızın bir neçə üzvü iştirak edir.
Dünən onlardan biri Kamran Rəcəbli (72 kq) fəxri kürsüyə qalxıb. O, bürünc medal qazanıb.
Astanada keçirilən Türk Dövlətləri Təşkilatı Müsəlman Dini İdarə rəhbərləri Şurasının görüşündə "İslam cəmiyyətin ənənələrini dəstəkləyir" və "Fətvaların verilməsi üzrə Fiqh məktəbi" adlı sənədlər qəbul olunub.
Astana görüşündə Qafqaz Müsəlmanları İdarəsinin sədri Şeyxülislam Allahşükür Paşazadə iştirak edib.
Avropa Komissiyasında Çin istehsalı avtomobillərə rüsum qoyulmasına dair səsvermə keçirilib.
27 üzv ölkədən 10-u rüsumun qaldırılmasının leyhinə, 5 ölkə isə əleyhinə səs verib. 12 ölkə bitərəf qalıb.
Qaydaya görə bu, tariflərin qaldırılması üçün kifayət nəticədir.
Avropa məmurlarının bu barədə Pekinlə danışıqlarının davam etdiriləcəyi bildirilsə də, yeni ixrac rüsumu artıq bu ilin noyabrından 5 il müddətinə tətbiq ediləcək.
Oktyabrın 3-də ABŞ-ın 58 qanunvericisi Dövlət Katibi Antoni Blinkendən Azərbaycan Prezidenti İlham Əliyevdən gələn ay keçiriləcək COP29 iqlim sammiti ərəfəsində insan hüquqları ilə bağlı təzyiq göstərməyi xahiş edib.
İran Xarici İşlər Nazirliyinin sözçüsü xarici işlər naziri və onu müşayiət edən nümayəndə heyətinin Beyruta gəlişini və İranın Livana humanitar yardımı olaraq 10 ton ərzaq və dərman göndərdiyini açıqlayıb.
Körfəz ölkələrindən; Səudiyyə Ərəbistanı, Qətər, BƏƏ, Bəhreyn və Küveyt İran-İsrail münaqişəsində bitərəf olduqlarını bəyan ediblər. Bu ölkələr qırğına şərik olan ABŞ-ın öz hava bazalarından istifadəsinə icazə verməyəcəklərini də açıqlayıblar.
Suriyada azad müqavmət qrupları Suriyanın Deyr əz-Zor bölgəsində ABŞ qüvvələrinin bazasına raketlərlə hücuma cəhd edib.
“Hizbullah” hərəkatı İsrailin şimalında İsrail əsgərlərinin cəmləşdiyi yerə raket hücumu həyata keçirib.
Bu barədə hərəkatın “Telegram” kanalında yerləşdirilmiş bəyanatda deyilir.
