Qəzza zolağında Misirlə sərhəddə yeganə sərhəd-keçid məntəqəsi olan Rəfahı Fələstin tərəfi idarə edəcək.
Operativtv Az.rasthaber-ə istinadən xəbər verir ki, bu barədə “Asharq Al-Awsat” qəzeti anonim mənbəyə istinadən məlumat yayıb.
Məlumata görə, qərar İsrailin "Şin Bet", "Mossad" xüsusi xidmət orqanlarının və Misir kəşfiyyatının rəhbərlərinin Qahirədəki görüşündə qəbul edilib.
Batumidə 200-dən çox tətil elan edən işçilərlə bağlı "SOCAR" şirkəti açıqlama verib. 24News.ge xəbər verir ki, məsələ ilə bağlı "SOCAR Georgia"dan BM nəşrinə məlumat verilib. Şirkətin bildirdiyinə görə, tarifin müəyyənləşdirilməsi zamanı əməkhaqqı fondu SEMEK tərəfindən təyin olunur və bu tarifin yenidən nəzərdən keçirilməsi hər 5 ildən bir həyata keçirilir. Hazırkı dövr üçün bu müddət 2028-ci ilə təsadüf edir.
UEFA Çempionlar Liqasının əsas mərhələsində VII tura start verilib.
Azarkeşlər ilk oyun günündə 9 qarşılaşmaya şahidlik ediblər.
“Benfika” Portuqaliyada İspaniyanın “Barselona” klubunu qəbul edib. Qonaqlar geridə olmalarına baxmayaraq, son saniyələrdə vurduqları qolla 5:4 hesablı qələbə qazanıblar.
İspaniyanın digər təmsilçisi “Atletiko” Madrid şəhərində Almaniyanın “Bayer” komandasını məğlub edib - 2:1.
Son aylarda ərzaq və əsas ehtiyac mallarının kəskin çatışmazlığı ilə üzləşən Qəzza zolağına humanitar yardım daşıyan təxminən 900 yük maşını çatıb.
Bu barədə Qətərin "Al Jazeera" telekanalı BMT-nin Humanitar Məsələlərin Əlaqələndirilməsi İdarəsinin (OCHA) hesabatına istinadən məlumat yayıb.
Yanvarın 21-də Bakıda Azərbaycanın Abzas Media xəbər saytının baş redaktoru Sevinc Vaqifqızının (Abbasova) və onun beş həmkarının işi üzrə növbəti məhkəmə iclasları başlayıb.
Qırğızıstanda ictimai yerlərdə üzün görünməsinə mane olan bütün geyimlərin geyinilməsi, həmçinin dini təbliğat qadağandır.
Qırğızıstan Prezident Aparatının Mətbuat Mərkəzindən verilən yazılı açıqlamaya görə, prezident Sadir Japarov 26 dekabr 2024-cü ildə parlamentdə qəbul edilmiş “Dini etiqad azadlığı və dini birliklər haqqında” əsasnaməni özündə əks etdirən qanunu təsdiqləyib.
Hizbullahın Livandakı Qərbi Bekaa regional rəhbəri Məhəmməd Hammadi Livanın şərqindəki Maçqara şəhərindəki evinin qarşısında silahlı şəxslər tərəfindən öldürülüb.
Hadisənin hansı səbəblərdən və kim tərəfindən baş verməsi bəlli deyil. Cinayəti törədən şübhəlilərin sui-qəsddən sonra qaçdığı açıqlanıb.
Məhəmməd Həmmadi livanlı ruhanidir və uzun zamandır məlum vəzifəni daşıyır. Yaşadığı ərazidə heç zaman problem yaşamayan Hizbullah rəsmisinin öldürülməsi araşdırılır.
Nəcəf İslami və Elmi Hövzəsində Qurani-Kərim ilə bağlı müsabiqələr keçirilir.
Bu barədə Hz.Abbas (ə) Hərəminin nəzdindəki Nəcəf Quran Mərkəzinin rəhbəri Seyid Muhnəd əl-Miyali məlumat verib.
Qeyd edilib ki, yarışlar Hövzənin tələbələri arasında keçirilir və məqsəd tələbələrin Quran ilə bağlı biliklərinin daha da artırılmasıdır.
Təl-Əvivdəki baş verən silahlı hücu nəticəsində 4 nəfər yaralanıb, polis hücumu terror aktı kimi qiymətləndirib.
Bu barədə “Times of Israel” tibb xidmətlərinə və hüquq-mühafizə orqanlarına istinadən məlumat yayıb.
