Xalq Səfərbərlik Qüvvələri açıqlayıb ki, ölkə ərazisində geniş təhlükəsizlik əməliyyatına start verilib.
Əməliyyat Neynəva vilayətindən başlayaraq Bəsrə şəhərinədək geniş ərazini əhatə edir. Qurumun məlumatına görə, əməliyyatda 15 əməliyyat və dəstək komandanlığı iştirak edir.
Bundan əlavə, Xalq Səfərbərlik Qüvvələrinin 16 müxtəlif idarə və bölməsi də əməliyyata cəlb olunub. Əməliyyatın səhər saat 06:00-da başladığı bildirilib.
Əməliyyata Xalq Səfərbərlik Qüvvələrinin Baş Qərargah rəisi Əbdüləziz əl-Məhəmmədavi rəhbərlik edir.
Bildirilib ki, plan dəqiq kəşfiyyat məlumatları əsasında hazırlanıb və əsas məqsəd terror qruplaşmalarının qalıqlarını izləmək, onların sığınacaqlarını məhv etmək və hərəkət marşrutlarını bağlamaqdır.
Əməliyyat çərçivəsində müxtəlif bölgələrdə təhlükəsizlik qüvvələrinin geniş yerləşdirilməsi həyata keçirilib.
Məlumata görə, ərazilərdə yoxlama və təmizləmə tədbirləri aparılır, gecə müşahidəsi, pusqu və patrul fəaliyyətləri gücləndirilib.
Bu addımların mümkün təhlükəsizlik pozuntularının qarşısını almağa yönəldiyi vurğulanıb.
Xalq Səfərbərlik Qüvvələri əməliyyatın müəyyən edilmiş hədəflər tam yerinə yetirilənədək davam etdiriləcəyini açıqlayıb.
Qurum müxtəlif təhlükəsizlik strukturları arasında yüksək koordinasiyanın təmin olunduğunu bildirib.
İraq rəsmiləri əməliyyatların əsas məqsədinin terror təşkilatlarının yenidən təşkilatlanmasının qarşısını almaq və ölkədə sabitliyi qorumaq olduğunu qeyd ediblər.
Son illərdə İraqda təhlükəsizlik qüvvələri xüsusilə ölkənin şimal və qərb bölgələrində terror qruplaşmalarına qarşı mütəmadi əməliyyatlar həyata keçirir.
İraqda Həşdüş-Şəbi terrora qarşı genişmiqyaslı əməliyyat başladı
Xalq Səfərbərlik Qüvvələri açıqlayıb ki, ölkə ərazisində geniş təhlükəsizlik əməliyyatına start verilib.
Əməliyyat Neynəva vilayətindən başlayaraq Bəsrə şəhərinədək geniş ərazini əhatə edir. Qurumun məlumatına görə, əməliyyatda 15 əməliyyat və dəstək komandanlığı iştirak edir.
Bundan əlavə, Xalq Səfərbərlik Qüvvələrinin 16 müxtəlif idarə və bölməsi də əməliyyata cəlb olunub. Əməliyyatın səhər saat 06:00-da başladığı bildirilib.
Əməliyyata Xalq Səfərbərlik Qüvvələrinin Baş Qərargah rəisi Əbdüləziz əl-Məhəmmədavi rəhbərlik edir.
Bildirilib ki, plan dəqiq kəşfiyyat məlumatları əsasında hazırlanıb və əsas məqsəd terror qruplaşmalarının qalıqlarını izləmək, onların sığınacaqlarını məhv etmək və hərəkət marşrutlarını bağlamaqdır.
Əməliyyat çərçivəsində müxtəlif bölgələrdə təhlükəsizlik qüvvələrinin geniş yerləşdirilməsi həyata keçirilib.
Məlumata görə, ərazilərdə yoxlama və təmizləmə tədbirləri aparılır, gecə müşahidəsi, pusqu və patrul fəaliyyətləri gücləndirilib.
Bu addımların mümkün təhlükəsizlik pozuntularının qarşısını almağa yönəldiyi vurğulanıb.
Xalq Səfərbərlik Qüvvələri əməliyyatın müəyyən edilmiş hədəflər tam yerinə yetirilənədək davam etdiriləcəyini açıqlayıb.
Qurum müxtəlif təhlükəsizlik strukturları arasında yüksək koordinasiyanın təmin olunduğunu bildirib.
İraq rəsmiləri əməliyyatların əsas məqsədinin terror təşkilatlarının yenidən təşkilatlanmasının qarşısını almaq və ölkədə sabitliyi qorumaq olduğunu qeyd ediblər.
Son illərdə İraqda təhlükəsizlik qüvvələri xüsusilə ölkənin şimal və qərb bölgələrində terror qruplaşmalarına qarşı mütəmadi əməliyyatlar həyata keçirir.