Netanyahuya qarşı qəzəb səngimir

İsrailin Hayfa şəhərində minə yaxın nümayişçi baş nazir Benyamin Netanyahuya etiraz etmək üçün bir araya gəlib.

Auditoriya Meydanına toplaşan nümayişçilər avtomobilləri ilə eyni şəhərin Qisarya rayonunda Netanyahunun evinin qarşısından keçən yola konvoy halında yola düşüblər.

Nümayişçilər ölkədə aparılan siyasətə qarşı olduqlarını bildirərək, oktyabrın 7-də təhlükəsizliyin pozulması, 1400 nəfərin ölümü və 250-yə yaxın əsirlə bağlı mövqeyinə görə Netanyahuya etiraz ediblər.

Polis qrupları barrikadalar quraraq nümayişçilərin Netanyahunun evinin yaxınlığından keçməsinə mane olub. Etirazçılar əllərində “Netanyahunun əlləri uşaqlarımızın qanına bulanıb”, “Netanyahu, ayıb olsun sənə”, “Get” plakatları, eləcə də İsrail bayraqları daşıyıb, baş nazir əleyhinə şüarlar səsləndiriblər.

Qəzza ətrafındakı bölgədən olan etirazçılardan biri çıxışında ailəsi ilə birlikdə hökumət tərəfindən İlət yaxınlığındakı bir yerə aparıldığını, onlara qarşı pis rəftar edildiyini və qaldıqları yerin təhlükəsiz olmadığını bildirib. Onlar ölkəni müharibəyə sürükləyənin məhz Netanyahu olduğunu vurğulayıb.

Netanyahu tərəfdarlarının daha sonra gəldiyi ərazidə etirazçılarla tərəfdarlar arasında müzakirələr aparılıb.