05 November 2024

"Neftçi", "Araz-Naxçıvan" və "Kəpəz" cərimələndi

AFFA İntizam Komitəsi "Neftçi", "Araz-Naxçıvan" və "Kəpəz" klublarını cəriməyib.

Naxçıvan təmsilçisi "Neftçi"ni səfərdə 1:0 hesabı ilə məğlub etdiyi Misli Premyer Liqasının XII tur qarşılaşmasında futbolçusu Turan Vəlizadənin ikinci sarı vərəqəni alaraq meydandan qovulmasına görə 500 manat ziyana düşüb.

Oyunçuya bir matçlıq cəza verilib. Paytaxt klubunun azarkeşləri həmin görüşdə meydana kənar əşyalar atıblar. "Neftçi" bu səbəbdən 800 manat ödəməli olacaq.

Netanyahunun müavini casusluğa görə həbs edilib

İsrailin Rişon Lezion Sülh Məhkəməsi, İsrail Baş naziri Binyamin Netanyahunun köməkçilərindən biri olan Eli Feldstein daxil olmaqla 4 nəfərin "məxfi məlumatların qeyri-qanuni əldə edilməsi nəticəsində yaranan təhlükəsizliyin pozulması" iddiaları ilə həbs edildiyini açıqlayıb.

Rishon Lezion Sülh Məhkəməsinin sədri Menahem Mizrahinin verdiyi açıqlamaya görə, Eli Feldstein "milli təhlükəsizliklə bağlı çox məxfi məlumatları Avropa media təşkilatlarına açıqlamaqda" ittiham olunur.

Qüds yolu şəhidlərinin xatirəsini yad etmək üçün Pakistanda şiə və sünni alimlərinin birgə toplantısı baş tutub

Dünyanın gözü önündə qətl edilən Qüdsün yaşadığı faciəni, burada dünyasını dəyişənləri anmaq üçün Pakistan İslam Respublikasının paytaxtı İslamabad şəhərində toplantı keçirilib. Ölkənin aparıcı şiə və sünni alimlərinin qatıldığı mərasimdə Livan və Qəzzanın Qüds Yolu şəhidlərinin xatirəsi yad edilib.

Türkiyədə neft emalı zavodunda partlayış baş verib, yaralananlar var

Türkiyənin Kocaeli şəhərinin İzmit rayonunda yerləşən TÜPRAŞ neft emalı zavodunda partlayış baş verib.

Partlayış planlaşdırılmış təlim zamanı baş verib.

Kocaeli Böyükşəhər Bələdiyyə başçısı Tahir Büyükakın yanğının nəzarət altına alındığını bildirib. Büyükakın qeyd edib ki, partlayış nəticəsində 12 nəfər xəsarət alıb.

Türkiyə cəfərilərinin rəhbəri: İlahiyyat sahəsində savadlı kadrlara hər zaman ehtiyac var

İlahiyyat sahəsində savadlı kadrlara hər zaman ehtiyac var.

Operativtv Report-a istinadən xəbər verir ki, bunu Türkiyə cəfərilərinin rəhbəri Səlahaddin Özgündüz Azərbaycan İlahiyyat İnstitutunun (Aİİ) tələbə və müəllim kollektivi ilə görüşdə deyib.

Azərbaycanın veteran cüdoçusu 12-ci dəfə dünya çempionu olub

Azərbaycan təmsilçisi Fərhad Rəcəbli (90 kq) 12-ci dəfə veteran cüdoçular arasında dünya çempionu olub.

O, ABŞ-nin Las-Veqas şəhərində keçirilən mundialın M8 kateqoriyasında fərqlənib.

F.Rəcəbli ilk görüşündə yerli Lorenso Şippdən güclü olub. Veteran cüdoçu ardınca üç fransalı - Filip Juni, Mişel Dumortye və Alan Dayezə qalib gələrək fəxri kürsünün ən yüksək pilləsinə qalxıb.

Qeyd edək ki, yarış noyabrın 7-də başa çatacaq.

BP-nin Azərbaycan-Gürcüstan-Türkiyə regionu üzrə xərclərinin həcmi açıqlanıb

Bu ilin yanvar-sentyabr aylarında BP-nin Azərbaycan-Gürcüstan-Türkiyə regionu üzrə yerli şirkətlərlə birbaşa və regionda fəaliyyət göstərən xarici podratçılarla imzaladığı müqavilələr üzrə yerli işçi qüvvəsinə (xidmətlərə) və materiallara çəkilmiş bilavasitə (subpodratçı – 369 müəssisə) xərcləri 1 116,5 mln. ABŞ dolları təşkil edib, bu da illik müqayisədə 0,23% azalma deməkdir.

Netanyahu hökuməti HƏMAS üzvlərinə milyonlarla dollar və təhlükəsiz keçid vəd edib

2023-cü il 7 oktyabr HƏMAS-ın hücumundan sonra 5 gün ərzində təşkilatı məhv edəcəyini və əsir düşən vətəndaşlarının azad ediləcəyini söyləyən Benyamin Netanyahu hökuməti Qəzza zolağına hücumlarının 395 gündürndə məhbusların azad edilməsi üçün alternativ yol düşünüb.

İsrail mətbuatında yer alan xəbərlərdə Baş nazir Qəzza zolağında israilli məhbusların azad edilməsi qarşılığında HƏMAS üzvlərinə milyonlarla dollar və təhlükəsiz keçid zəmanəti verdiyi iddia edilib.

Bakıda Dini Liderlərin Qlobal Sammiti keçirilir

Bakıda Dini Liderlərin Qlobal Sammitinin açılışı olub.

“Gülüstan” sarayında keçirilən sammitdə 30-a yaxın dünya və ənənəvi dinlərin liderləri, ümumən, 55 ölkəni və 30 beynəlxalq təşkilatı təmsil edən nüfuzlu dini mərkəzlərin başçıları — Patriarxlar, Vatikan və Əl-Əzhər rəsmiləri, müxtəlif qitələri, konfessiyaları təmsil edən və dünya miqyasında tanınmış görkəmli din və ictimaiyyət xadimləri iştirak edir.

Məhkəmə generallar Bərxudarov və Babayev haqda korrupsiya ittihamlarını DTX-ya göndərdi

Müdafiə Nazirliyi və tabe qurumlarda 143 milyon manatlıq yeyinti ilə bağlı cinayət işi üzrə həbsdə olanlardan biri - Quru Qoşunları Maliyyə İdarəsinin sabiq rəisi, polkovnik Bayram Bayramov tələb irəli sürmüşdü. O, generallar Mais Bərxudarov və Münasib Babayev də daxil, 20-yə yaxın şəxsin məhkəməyə çağrılıb dindirilməsini istəmişdi.

Ülvi Həsənli: “Elnur İsmayılov həbsxanaya yeni gətirilən bəzi məhbusların çılpaq şəkillərini çəkdirib telefonunda saxlayır”

Jurnalist deyir ki, Penitensiar Xidmət boğaza qədər problemin içindədir, Mirsaleh Seyidov isə siyasi məhbuslara təzyiq göstərməyin çeşidli yolları üzərində işləyir 

“Abzas Media”nın direktoru, araşdırmaçı jurnalist Ülvi Həsənli saxlanıldığı 1 saylı Bakı İstintaq Təcridxanasından ictimaiyətə məktub ünvanlayıb.