Türkmənistan qazı İran üzərindən Türkiyəyə axmağa başlayıb

İranın neft naziri Türkmənistan qazının İran üzərindən Türkiyəyə axınının başladığını və bu razılaşmanın artıq yekunlaşdığını açıqlayıb.

İranın neft naziri Möhsün Paknejad Türkmənistan qazının İran üzərindən Türkiyəyə axınının başladığını açıqlayıb.

Neft naziri deyib: “Son günlərdə Allahın köməyi və bu layihəni həyata keçirən İran Milli Qaz Şirkəti və digər qurumların əməkdaşlarının səyi ilə bu plan həyata keçirilib.

Paknejad bu layihənin ölkənin şimal-şərqinə çatdırılan qazın həcmi və Türkmənistan və Türkiyə ilə əlaqələr baxımından əhəmiyyətli olduğunu vurğulayıb.

Paknejad deyib ki, bu addım İranın ikitərəfli münasibətlərinə, xüsusilə qaz ticarəti və digər neft məhsulları sahəsində ciddi təsir göstərəcək.