Ayətullah Xamenei: Sionist rejim Fələstindən təmizlənməlidir

İslam İnqilabının Rəhbəri Ayətullah Seyid Əli Xamenei builki Fitr bayramında imamlıq etdiyi Tehranın Böyük Müsəlla məscidində çıxış edib.

İran İslam İnqilabının Rəhbəri Ayətullah Seyid Əli Xamenei Fitr bayramı namazından sonra çıxış edir. Ayətullah Xamenei çıxışının əvvəlində Fitr bayramı münasibətilə təbriklərini çatdırıb.

Ayətullah Xamenei həmçinin İran xalqının bu il ölkə daxilində keçirilən Beynəlxalq Qüds Günü mitinqlərində kütləvi iştirakını yüksək qiymətləndirib.

O, İsrailin bölgədə davam edən vəhşi əməllərinə toxunaraq, İsrailin günahsız insanlara qarşı qan tökməsini müsəlmanlar üçün ağrılı hadisə kimi qiymətləndirib.

“Bu cinayətkar dəstə, sionist rejim Fələstindən təmizlənməlidir və Allahın lütfü və qüdrəti ilə təmizlənəcəkdir” deyə bildirib.

Həzrət Ayətullah Xamenei çıxışına davam edərək deyib: "Bu bölgədə yalnız bir zalım qüvvə var, o da fəsad və işğalçı sionist rejimdir. Sionist rejim müstəmləkəçilərin adından ölkələrə hücum edir.

İslam İnqilabının Rəhbəri düşmənlərin İrana zərər vurmaq istəsələr, mütləq güclü və qarşılıqlı zərbə alacaqlarını bildirərək, əlavə edib: “Əgər onlar ölkə daxilində ixtilaf salmağa çalışsalar, (İran) milləti onlara (lazımi) cavabı şəxsən verəcək.”