HƏMAS atəşkəs təklifini qəbul edir!

HƏMAS Hərəkatının liderlərindən olan Xəlil əl-Hayyə hərəkatın yeni atəşkəs təklifini qəbul etdiyini açıqlayıb.

"Biz bu təklifi iki gün əvvəl aldıq, ona müsbət yanaşdıq və qəbul etdik. Ümid edirəm ki, İsrail bunu pozmayacaq və vasitəçilərin səylərini puça çıxarmayacaq", - Xəlil əl-Hayyə bildirib.  Əl-Hayyə həmçinin HƏMAS-ın silahlarını “qırmızı xətt” olaraq gördüklərini vurğulayıb.

Qatil İsrail Baş naziri Binyamin Netanyahunun ofisi də bəyanat verərək, İsrailin ABŞ ilə tam koordinasiyalı şəkildə vasitəçilərə əks təklif təqdim etdiyini açıqlayıb. Təfərrüatlar paylaşılmadı.

Atəşkəs rejiminin bərpası üzrə danışıqlar cümə axşamı axşam Qətərin paytaxtı Dohada Həmas ilə Misir və Qətərdən olan vasitəçilər arasında başlayıb. Misir əvvəllər İsrail və HƏMAS arasında vasitəçi rolunu öz üzərinə götürmüşdü və indi yenidən işə qarışaraq yeni təkliflə çıxış edib.

Misirin təklifinə görə: HƏMAS 5 əsiri, o cümlədən Amerika-İsrail vətəndaşını azad edəcək.

İsrail bir həftəlik atəşkəs elan edəcək və Qəzzaya humanitar yardımın axmasına icazə verəcək.

O, həmçinin yüzlərlə fələstinli məhbusu azad edəcək.