Avqustun 29-da Türkiyə hakimiyyəti bildirib ki, Qəzza zolağındakı vəziyyət, İsrailin Suriya, Yəmən və Livana zərbələrindən dolayı Təl-Əvivlə bütün ticarəti dayandırır, hava məkanını bu ölkənin təyyarələri, limanlarını isə gəmiləri üçün bağlayır.
"Biz bir çox diplomatik, hüquqi və ticarət tədbirləri qəbul etdik. İsraillə ticarəti tamamilə dayandırdıq. Limanlarımızı İsrail gəmiləri üçün tam bağladıq. Türk gəmilərinin İsrail limanlarına daxil olmasına icazə vermirik. İsrailə silah və sursat daşıyan konteyner gəmilərinin limanlarımıza daxil olmasına, həmçinin İsrail təyyarələrinin hava məkanımıza girməsinə icazə vermirik", – Türkiyənin xarici işlər naziri Hakan Fidan ölkə parlamentində çıxışı zamanı deyib. Xəbəri “Anadolu” agentliyi yayıb.
Fidan İsrail hökumətini “irqçi”, İsrailin Qəzzadakı HƏMAS döyüşçülərinə qarşı əməliyyatını “soyqırımı” adlandırıb. ABŞ və Aİ HƏMAS-ı terrorçu qruplaşma sayır.
Türkiyə XİN başçısı İsrailin Suriyaya zərbələrini də pisləyib. İsrail hakimiyyəti zərbələrin Əs-Süveydə şəhərindəki druz icmasının müdafiəsi məqsədi güddüyünü deyir. İsrail Suriyadakı islamçı qruplaşmaları ilə münaqişədə druzlara dəstək verir.
H.Fidan deyib ki, İsrail Suriyada Colan Təpələrində işğalını genişləndirib, Suriya ərazisinə daxil olub və “o qədər cəsarətlənib ki, Dəməşqi də vurub”.
Bu ilin iyulunda İsrail Əs-Süveydədə druzlarla münaqişə fonunda Suriya ordusunun Baş Qərargahına və prezident sarayına hava zərbələri endirib, bu yaxınlarda isə Dəməşq yaxınlığında bir hərbi bazaya xüsusi təyinatlı dəstələr yeridib.
2024-cü ilin aprelin sonunda Türkiyə prezidenti Rəcəb Tayyib Ərdoğan Qəzza müharibəsinə görə ölkəsinin İsraillə aktiv ticarət əlaqələrini artıq dəstəkləmədiyini bildirmişdi. “Bloomberg” mayda hökumət mənbələrinə istinadla, Türkiyənin İsraillə bütün ticarəti dayandırdığını yazmışdı, lakin Ankara bunu o zaman rəsmi elan etməmişdi.
Türkiyə Təl-Əvivlə bütün ticarəti dayandırır
Avqustun 29-da Türkiyə hakimiyyəti bildirib ki, Qəzza zolağındakı vəziyyət, İsrailin Suriya, Yəmən və Livana zərbələrindən dolayı Təl-Əvivlə bütün ticarəti dayandırır, hava məkanını bu ölkənin təyyarələri, limanlarını isə gəmiləri üçün bağlayır.
"Biz bir çox diplomatik, hüquqi və ticarət tədbirləri qəbul etdik. İsraillə ticarəti tamamilə dayandırdıq. Limanlarımızı İsrail gəmiləri üçün tam bağladıq. Türk gəmilərinin İsrail limanlarına daxil olmasına icazə vermirik. İsrailə silah və sursat daşıyan konteyner gəmilərinin limanlarımıza daxil olmasına, həmçinin İsrail təyyarələrinin hava məkanımıza girməsinə icazə vermirik", – Türkiyənin xarici işlər naziri Hakan Fidan ölkə parlamentində çıxışı zamanı deyib. Xəbəri “Anadolu” agentliyi yayıb.
Fidan İsrail hökumətini “irqçi”, İsrailin Qəzzadakı HƏMAS döyüşçülərinə qarşı əməliyyatını “soyqırımı” adlandırıb. ABŞ və Aİ HƏMAS-ı terrorçu qruplaşma sayır.
Türkiyə XİN başçısı İsrailin Suriyaya zərbələrini də pisləyib. İsrail hakimiyyəti zərbələrin Əs-Süveydə şəhərindəki druz icmasının müdafiəsi məqsədi güddüyünü deyir. İsrail Suriyadakı islamçı qruplaşmaları ilə münaqişədə druzlara dəstək verir.
H.Fidan deyib ki, İsrail Suriyada Colan Təpələrində işğalını genişləndirib, Suriya ərazisinə daxil olub və “o qədər cəsarətlənib ki, Dəməşqi də vurub”.
Bu ilin iyulunda İsrail Əs-Süveydədə druzlarla münaqişə fonunda Suriya ordusunun Baş Qərargahına və prezident sarayına hava zərbələri endirib, bu yaxınlarda isə Dəməşq yaxınlığında bir hərbi bazaya xüsusi təyinatlı dəstələr yeridib.
2024-cü ilin aprelin sonunda Türkiyə prezidenti Rəcəb Tayyib Ərdoğan Qəzza müharibəsinə görə ölkəsinin İsraillə aktiv ticarət əlaqələrini artıq dəstəkləmədiyini bildirmişdi. “Bloomberg” mayda hökumət mənbələrinə istinadla, Türkiyənin İsraillə bütün ticarəti dayandırdığını yazmışdı, lakin Ankara bunu o zaman rəsmi elan etməmişdi.