Fələstinli qız İsrail zindanından azad edilib

İsrail polisi “dəmir yumruqlu” mübariz fələstinli qız Əhd Təmimini 7 ay öncə həbs etmişdi. İsrail polisi yenicə yetkinlik yaşına çatan Əhd ət-Təmimini Fələstinin Nəbi-Saleh kəndində yaşadığı evə basqın edərək saxlamışdı.

İslaminSesi.info əl-Məyadin telekanalına istinadla xəbər verir ki ət-Təmimi ötən gün fələstinlilərin alqışları ilə qarşılanıb. O azad edildikdən sonra verdiyi ilk müsahibəsində sionist rejimi zindanlarında olan bütün fələstinlilərin xüsusilə də qadınların azadlığı üçün mübarizəsinin davam etdirəcəyini bildirib.

Əhd ət-Təmimi İsrail polislərinə qarşı yumruq silkələməsi ilə tanınırdı.

Sionist rejimi yeniyetmə qızı İsrail polisini təpikləməkdə ittiham edərək həbs etmişdi.

Əhd Təmiminin İsrail polisinə yumruq silkələməsi və təpik atması bu qorxmaz qızı fələstinlilər üçün bir mübarizə rəmzinə çevirib. Onun İsrail əsgərləri qarşısında sinə gərməsi dəflərlə lentə alınıb. Atasının, anasının, qardaşının İsrail polisi tərəfindən tutulması zamanı onun İsrail əsgərlərinə qarşı müqaviməti fələstinliləri müqavimət prinsipinə ümidvar edib.