Ayətullah Həmədanidən Pakistanda şiələrin qətlə yetirilməsinə reaksiya

Ayətullah Həmədani Pakistanda şiələrə qarşı radikal vəhabilərin terrorçu hücumunu pislədi

Operativtv.com Az.rasthaber.com-a istinadən xəbər verir ki, onlarla pakistanlı şiənin qətlə yetirilməsinə cavab olaraq mərcə təqlid müctehidi Ayətullah Nuri Həmədani bəyanat yayıb.

Bəyanatda deyilir:

“Mərhəmətli və Rəhmli Allahın adı ilə…

Pakistanın Paraçinar şəhərində baş verən xoşagəlməz və kədərli hadisələr, günahsız insanların qətlə yetirilməsi kədər və iztirablara səbəb olub.

Bu gün hamımız bu problemə görə məsuliyyət daşıyırıq və bu qətlə öz kəskin etirazımızı bildirməliyik.

Pakistan hökumətinin radikal vəhabilərin bu hərəkatının qarşısını alması və Əhli-Beyt (əleyhissalam) ardıcıllarının hüquqlarına hörmət etməsi üçün İslam Respublikasının diplomatik orqanları bu məsələni izləməlidir.

Mütəal Allahdan hər kəsə uğurlar arzulayıram.”