12 August 2026

Dünyanın su kanalları problemləri davam edir - Panama keçid haqqını rekord həddə qaldırdı

Panama kanalından keçid haqqı rekord həddə - 1,1 milyon dollara çatıb.

Financial Times qəzetinə istinadən xəbər verir ki, bu, kanaldan istifadə edənlərin hədsiz çoxalması ilə bağlıdır:

"Panama Kanalının tez-tez istifadə olunan şlüzlərindən keçid üçün gündəlik hərraclarda keçid haqqı bu ay orta hesabla təxminən 1,1 milyon dollar təşkil edib ki, bu da ötən ilin eyni dövrü üçün orta qiymətdən 16 dəfə çoxdur".

ABŞ Yəməndə 150-dən çox mülki şəxsə ciddi zərər vurulmasına görə məsuliyyət daşıdığını ilk dəfə etiraf edib

Pentaqon ABŞ qüvvələrinin 2025-ci ildə Yəmənə endirdiyi zərbələr nəticəsində 150-dən çox mülki şəxsin öldüyünü müəyyən edib.

Bu barədə "The Washington Post" məlumat yayıb.

Qəzetin məlumatına görə, Pentaqonun apardığı daxili araşdırmanın nəticələrinə əsasən, ABŞ-ın 2025-ci ildə Yəməndə silahlı qruplaşmalara qarşı əməliyyatları zamanı həyata keçirdiyi hava zərbələri nəticəsində 153 mülki şəxs həlak olub, təxminən 250 nəfər yaralanıb.

"Fənərbağça" pley-offa yüksəldi

Türkiyənin "Fənərbağça" klubu UEFA Çempionlar Liqasının III təsnifat mərhələsində cavab oyununu keçirib.

İstanbul təmsilçisi Avstriyada “Şturm”la üz-üzə gəlib. Görüş qonaqların 1:0 hesablı qələbəsi ilə yekunlaşıb.

İstanbulda keçirilən ilk oyunda 2:0 hesablı qələbə qazanan Türkiyə təmsilçisi 2 görüşün nəticəsinə əsasən pley-off mərhələsinə vəsiqə qazanıb.

Bu gün Peyğəmbərin (s) vəfat, İmam Həsənin (ə) şəhadət günüdür

Hicri-qəməri təqvimi ilə bu gün səfər ayının 28-i Həzrət Məhəmməd peyğəmbərin (s) vəfatı və ikinci imam Həzrət Həsən ibni Əlinin (ə) şəhid edilən günüdür.

Həzrət Peyğəmbər (s) hicrətin 11-ci ilində 2 həftə davam edən xəstəlikdən sonra səfər ayının 28-də Mədinə şəhərindəki evində dünyasını dəyişib.