İctimai fəal və “Yoldaş Media”nın təsisçisi Əhməd Məmmədli barəsində mayın 8-də 4 aylıq həbs qətimkan tədbiri seçilib.
Məmmədli Binəqədi Rayon Məhkəməsinə gətirilərkən “Yoldaş Media”nın fəaliyyətinə görə həbs olunduğunu deyib və “Azad media susdurula bilməz!” deyə qışqırıb.
O, Cinayət Məcəlləsinin sağlamlığa qəsdən ağır zərər vurma və xuliqanlıq maddələri ilə ittiham olunur.
Pekin beynəlxalq ictimaiyyətin gözləntiləri, maraqları və Amerika sənayesindən gələn çağırışlar əsasında Vaşinqtonla ticarət danışıqlarına razılıq verib.
Bu barədə Çin Xalq Respublikasının Ticarət Nazirliyi məlumat yayıb.
“Çin qlobal gözləntilər, ölkənin maraqları və Amerika sənayesi və istehlakçılarının çağırışları əsasında Birləşmiş Ştatlarla qarşılıqlı fəaliyyətə razılıq vermək qərarına gəlib”, - məlumatda vurğulanıb.
AFFA İntizam Komitəsi "Zirə"nin kapitanı Qismət Alıyevi və "Neftçi"nin yarımmüdafiəçisi Elvin Camalovu iki oyunluq cəzalandırıb.
Bu barədə milli assosiasiyanın rəsmi saytı məlumat yayıb.
Q.Alıyev Misli Premyer Liqasının XXXIII turunda "Turan Tovuz"la matçda ciddi qayda pozuntusuna görə birbaşa qırmızı vərəqə almışdı. Bakı klubu buna görə 1500 manat cərimələnib.
İmam Hüseyn (ə) Ziyarətgahında İmam Rza (ə) mövluduna hazırlıq işlərinə başlanılıb. Müqəddəs hərəm bəzədilərək bayram abu-havasına qərq olub. Zilqədə ayının 11-də (mayın 9-da) 8-ci İmam, Həzrət Rzanın (ə) mübarək mövlud günüdür.
Ümimilikdə bu günlər Kəramət ongünlüyü” adlanan xüsusi bir zamanı əhatə edir. Xanım Fatimeyi Məsumənin (s.ə.) mövludundan Həzrət Əli ibn Musa ər-Rzanın (ə) müqəddəs mövludu arasında 10 günlük bir zaman var. Bu on gün “Kəramət Ongünlüyü” adlanır.
Livanda keçirilən dörd mərhələdən ibarət yerli seçkilərin birinci turunda Hizbullah və Əməl Hərəkatının yaratdığı İnkişaf və Sadiqlik ittifaqı böyük uğur qazanıb. Alyans namizədlər irəli sürdüyü bütün bölgələrdə bələdiyyə şurası mandatlarının hamısını qazanıb.
Livanda dörd mərhələdən ibarət yerli seçkilərin birinci turu Hizbullah-Əməl Hərəkatı ittifaqının qəti qələbəsi ilə nəticələnib.
ABŞ prezidenti Donald Tramp mayın 6-da bildirib ki, o, Yəməndəki husi qüvvələrinə qarşı hava zərbələrinin dayandırılması barədə göstəriş verib. Bu qərar İranın dəstəklədiyi husi üsyançılarının Yaxın Şərqdəki mühüm gəmiçilik marşrutlarında gəmilərə hücumları dayandırmağa razılaşmasından sonra verilib.
"Biz dərhal qüvvəyə minmək şərti ilə husilərə qarşı bombardmanı dayandıracağıq",- Tramp Ağ evdə Kanadanın baş naziri Mark Karni ilə görüşünün əvvəlində bildirib.
Pakistanın Kəşmir bölgəsindəki Müzəffərabad şəhəri yaxınlığında çoxsaylı partlayışlar baş verib.
Pakistan ordusunun mətbuat xidməti Hindistanın üç bölgədən hücuma keçdiyini açıqlayıb.
Məlumatda Hindistanın üç ayrı yerdən Pakistan ərazisinə raket hücumu etdiyi bildirilib.
Pakistan tərəfi hücumlara qarşılıq veriləcəyini bildirib.
İlk gündən HƏMAS İsrailin Qəzzə ilə bağlı niyyətinin ərazini ələ keçirmək olduğunu bildirərək əsirlərin azad edilməsinin sadəcə bir bəhanə olduğunu söyləmişdi. Bir müddət öncə danışıq masasına gələn tərəflərin hissə-hissə əsairlərin azad edilməsi danışığı razılaşdırılsa da, çox keçmədən Netanyahunun bu razılaşmanı pozması əvvəldən niyyətinin Qəzzə ərazisinin işğalı olduğunu ortaya qoydu. Ötən gün Baş Nazirin yayımladığı fikir isə nəhayətdə bunun nöqtəsi oldu.
Jurnalist Ülviyyə Əli (Quliyeva) mayın 7-ə keçən gecə polis tərəfindən saxlanılıb.
Bu barədə onun yaxınları sosial şəbəkələrdə məlumat yayıb.
Onların sözlərinə görə, jurnalistin evində axtarış aparılıb, siyirmələr və şkaf rəflərinin qapaqları sındırılıb.
Evdən nə götürüldüyü bilinmir.
O, əvvəllər “Meydan TV işi”ndə şahid kimi ifadə verib və ölkədən çıxışına qadağa qoyulub.
