Yunanıstanda ötən həftə 57 nəfərin ölümü ilə nəticələnən qatar qəzasında həyatını itirənlər üçün ölkə daxilində etiraz aksiyaları keçirilərkən, paytaxt Afinada aksiyada nümayişçilərlə polis arasında qarşıdurma yaşanıb.
Parlament qarşısında keçirilən aksiyada təhlükəsizlik qüvvələrinə molotof kokteyli və daş atan nümayişçiləri polis gözyaşardıcı qazdan istifadə edərək dağıdıb. Associated Press, həmkarlar ittifaqları və tələbə birliklərinin rəhbərlik etdiyi paytaxtda keçirilən nümayişə 30 minə yaxın insanın qatıldığını açıqladı.
AFP-nin məlumatına görə, paytaxtın Sintaqma meydanında nümayişçilər tərəfindən avtomobil yandırılıb. Ölkənin ikinci böyük şəhəri Salonikidə keçirilən nümayişə ən azı 20 min adam qatılıb. Tələbələrin nümayiş zamanı polis kordonunu yarmağa cəhd etməsindən sonra təhlükəsizlik qüvvələri ilə etirazçılar arasında qarşıdurma yaranıb.
Qatar qəzasının baş verdiyi Patra və Larisa şəhərlərində nümayişçilər hökumətə etiraz ediblər. AFP, ölkə boyu təxminən 65 min insanın hökumətə etiraz etmək üçün küçələrə çıxdığını açıqladı. Qəzada həyatını itirənlərin çoxu universitet tələbələri olduğu üçün ailələrin adətən uşaqlarına dediyi “Gələn zaman mesaj göndər” ifadəsi də simvolik olaraq nümayişdə istifadə edilən şüarlar arasında olub.
Paytaxtda ictimai nəqliyyat vasitələrinin tətili nəqliyyatı iflic etsə də, materikdən adalara kruizlər də böyük dərəcədə pozulub.Bugünkü nümayişdə tələbələrin və ali məktəblərin müəllimlərinin geniş iştirakı ilə əlaqədar bu gün universitetlərdə təhsil dayandırılıb.
Yunanıstanda dəmiryol işçiləri də ötən cümə axşamı başladıqları tətili davam etdirmək qərarına gəliblər.
Yunanıstan boyu insanlar küçələrə axışıb, Afinada polislə etirazçılar arasında toqquşma olub
Yunanıstanda ötən həftə 57 nəfərin ölümü ilə nəticələnən qatar qəzasında həyatını itirənlər üçün ölkə daxilində etiraz aksiyaları keçirilərkən, paytaxt Afinada aksiyada nümayişçilərlə polis arasında qarşıdurma yaşanıb.
Parlament qarşısında keçirilən aksiyada təhlükəsizlik qüvvələrinə molotof kokteyli və daş atan nümayişçiləri polis gözyaşardıcı qazdan istifadə edərək dağıdıb. Associated Press, həmkarlar ittifaqları və tələbə birliklərinin rəhbərlik etdiyi paytaxtda keçirilən nümayişə 30 minə yaxın insanın qatıldığını açıqladı.
AFP-nin məlumatına görə, paytaxtın Sintaqma meydanında nümayişçilər tərəfindən avtomobil yandırılıb. Ölkənin ikinci böyük şəhəri Salonikidə keçirilən nümayişə ən azı 20 min adam qatılıb. Tələbələrin nümayiş zamanı polis kordonunu yarmağa cəhd etməsindən sonra təhlükəsizlik qüvvələri ilə etirazçılar arasında qarşıdurma yaranıb.
Qatar qəzasının baş verdiyi Patra və Larisa şəhərlərində nümayişçilər hökumətə etiraz ediblər. AFP, ölkə boyu təxminən 65 min insanın hökumətə etiraz etmək üçün küçələrə çıxdığını açıqladı. Qəzada həyatını itirənlərin çoxu universitet tələbələri olduğu üçün ailələrin adətən uşaqlarına dediyi “Gələn zaman mesaj göndər” ifadəsi də simvolik olaraq nümayişdə istifadə edilən şüarlar arasında olub.
Paytaxtda ictimai nəqliyyat vasitələrinin tətili nəqliyyatı iflic etsə də, materikdən adalara kruizlər də böyük dərəcədə pozulub.Bugünkü nümayişdə tələbələrin və ali məktəblərin müəllimlərinin geniş iştirakı ilə əlaqədar bu gün universitetlərdə təhsil dayandırılıb.
Yunanıstanda dəmiryol işçiləri də ötən cümə axşamı başladıqları tətili davam etdirmək qərarına gəliblər.