"Hicablı övladlarımıza sığanacaq verin!"

​Siyasi məhbuslar həbsxanadan dünya liderlərinə müraciət ediblər.

Siyasi məhbuslar Şamil Abdulalıyev, Vüsal Nadiroğlu və Şərif Allahverdiyev həbsxanadan dünya ölkələrinin prezidentlərinə və siyasi xadimlərinə media vasitəsilə müraciət ediblər. Müraciətdə deyilir:

"​Hörmətli Prezidentlər və siyasi xadimlər,

​biz Azərbaycanın vicdan məhbusları zindandan səfirliklərə və diplomatik korpuslara müraciət edərək  övladlarımızın təhsilini davam etdirməsi üçün ölkələrinizdə sığınacaq vermələrini xahiş etmişdik. Təəssüflər olsun ki, müraciətimizə heç bir cavab gəlməyib. Onu da xatırladaq ki, bizim övladlarımız inancalı olduğu üçün məktəbə hicabla getməli olurlar. Bizim hakimiyyətdə oturanlar isə göstəriş veriblər ki, hicablı şagirdləri məktəbə buraxmasınlar. Artıq 1 aya yaxındır övladlarımız təhsil almaq hüququndan məhrum edililər. Onun üçün də biz sizlərə, dünya ölkələrinin Prezidentlərinə siyasi xadimlərinə müraciət edirik:

​Ey dünya ölkələrinin və xüsusən də müsəlman ölkələrinin başçıları, sizə qaranlıq zindan divarları arasından səslənirik: Bizim övladlarımızın təhsil alması və təhlükəsiz həyat sürmələri üçün ölkələrinizdə sığınacaq verin."

İmza:

​Şamil Abdulalıyev

​Vüsal Nadiroğlu

​Şərif Allahverdiyev

8 saylı Cəzaçəkmə Müəssisəsi

12 noyabr 2026