Anar Məmmədovun noutbuku və telefonu götürülüb, Musfata Hacıbəyli isə yenidən dindirilir
“Criminal.az” saytının baş redaktoru Anar Məmmədovun evində axtarış aparılıb. Yaxınlarının Meydan TV-yə verdiyi məlumata görə, iyulun 9-da axşam saatlarında Baş Prokurorluğun iki müstəntiqi Anar Məmmədovun evinə gələrək axtarış aparacaqlarını deyiblər. Onlar baş redaktora məxsus noutbuku, telefonu və sənədləri özləri ilə götürüblər.
Anar Məmmədov iyulun 10-da yenidən Bakı Şəhər Prokurorluğuna çağırılıb. Onun hüquqlarını vəkil Elçin Sadıqov müdafiə edəcək. Baş redaktor ilk dəfə iyulun 9-da dindirilib.
Bir gün əvvəl ifadə verən “Bastainfo” saytının rəhbəri Mustafa Hacıbəyli də iyulun 10-da yenidən Bakı Şəhər Prokurorluğuna çağırılıb. Müsavat Partiyasının başqanı Arif Hacılının verdiyi məlumata görə, hazırda baş redaktor ifadə verir.
İyulun 9-da Baş Prokurorluq məlumat yayaraq, Gəncə Şəhər İcra Hakimiyyətinin başçısı Elmar Vəliyevə qarşı edilən sui-qəsdlə əlaqədar bir neçə sayta qarşı da cinayət işi başlanıldığını bildirib. Həmin media qurumları çağırış xarakterli, ictimaiyyəti çaşdıran məlumatlar paylaşmaqda günahlandırılırlar.
Baş redaktorun evində axtarış aparılıb
Anar Məmmədovun noutbuku və telefonu götürülüb, Musfata Hacıbəyli isə yenidən dindirilir
“Criminal.az” saytının baş redaktoru Anar Məmmədovun evində axtarış aparılıb. Yaxınlarının Meydan TV-yə verdiyi məlumata görə, iyulun 9-da axşam saatlarında Baş Prokurorluğun iki müstəntiqi Anar Məmmədovun evinə gələrək axtarış aparacaqlarını deyiblər. Onlar baş redaktora məxsus noutbuku, telefonu və sənədləri özləri ilə götürüblər.
Anar Məmmədov iyulun 10-da yenidən Bakı Şəhər Prokurorluğuna çağırılıb. Onun hüquqlarını vəkil Elçin Sadıqov müdafiə edəcək. Baş redaktor ilk dəfə iyulun 9-da dindirilib.
Bir gün əvvəl ifadə verən “Bastainfo” saytının rəhbəri Mustafa Hacıbəyli də iyulun 10-da yenidən Bakı Şəhər Prokurorluğuna çağırılıb. Müsavat Partiyasının başqanı Arif Hacılının verdiyi məlumata görə, hazırda baş redaktor ifadə verir.
Oxşar xəbərlər