Fəaliyyətini dayandırmış “Gənc Qazilər” İctimai Birliyinin sədri, ictimai fəal Hacı Vəliyevin həbs cəzası 2 il 6 aydan 2 ilə endirilib.
Oktyabrın 29-da Ali Məhkəmədə hakim Vidadi Cəfərovun sədrliyi ilə Vəliyevin barəsində çıxarılan hökmdən verilmiş kassasiya şikayətinə baxılıb.
Məhkəmə kassasiya şikayətini qismən təmin edərək ictimai fəalın həbs cəzasını 6 ay azaldıb.
İkinci Qarabağ müharibəsinin iştirakçısı olan Hacı Vəliyev müharibədən sonra sağlamlığını itirmiş hərbçilərin və şəhid ailələrinin problemlərini ictimailəşdirməklə məşğul olub.
O, 2025-ci il martın 18-də küçə ticarəti ilə məşğul olan qazilərə polis müdaxiləsini əks etdirən videogörüntülər paylaşmışdı. Bundan 13 gün sonra - martın 31-də II qrup əlilliyi olan Vəliyevi polis əməkdaşları saxlamışdı.
2026-cı il mayın 6-da Tovuz Rayon Məhkəməsinin hökmü ilə o, 2 il 6 ay müddətinə azadlıqdan məhrum edilmişdi. Gəncə Apellyasiya Məhkəməsi isə hökmü dəyişdirmədən qüvvədə saxlamışdı.
Vəliyev iyunun 21-də “ədalətsiz məhkəmə hökmünə” etiraz olaraq aclıq aksiyasına başladığını açıqlamış, sonradan aksiyanı dayandırmışdı.
İctimai fəal irəli sürülən ittihamları qəbul etmir. O, 2025-ci ilin avqustunda həbsdə olan müstəqil jurnalist Ülviyyə Əliyə verdiyi müsahibədə qazilərin və müharibə veteranlarının problemləri ilə bağlı sosial şəbəkələrdə və mediada səsləndirdiyi tənqidlərə görə həbs olunduğunu bildirmişdi.
Hacı Vəliyevin həbs cəzası 2 il 6 aydan 2 ilə endirilib
Fəaliyyətini dayandırmış “Gənc Qazilər” İctimai Birliyinin sədri, ictimai fəal Hacı Vəliyevin həbs cəzası 2 il 6 aydan 2 ilə endirilib.
Oktyabrın 29-da Ali Məhkəmədə hakim Vidadi Cəfərovun sədrliyi ilə Vəliyevin barəsində çıxarılan hökmdən verilmiş kassasiya şikayətinə baxılıb.
Məhkəmə kassasiya şikayətini qismən təmin edərək ictimai fəalın həbs cəzasını 6 ay azaldıb.
İkinci Qarabağ müharibəsinin iştirakçısı olan Hacı Vəliyev müharibədən sonra sağlamlığını itirmiş hərbçilərin və şəhid ailələrinin problemlərini ictimailəşdirməklə məşğul olub.
O, 2025-ci il martın 18-də küçə ticarəti ilə məşğul olan qazilərə polis müdaxiləsini əks etdirən videogörüntülər paylaşmışdı. Bundan 13 gün sonra - martın 31-də II qrup əlilliyi olan Vəliyevi polis əməkdaşları saxlamışdı.
2026-cı il mayın 6-da Tovuz Rayon Məhkəməsinin hökmü ilə o, 2 il 6 ay müddətinə azadlıqdan məhrum edilmişdi. Gəncə Apellyasiya Məhkəməsi isə hökmü dəyişdirmədən qüvvədə saxlamışdı.
Vəliyev iyunun 21-də “ədalətsiz məhkəmə hökmünə” etiraz olaraq aclıq aksiyasına başladığını açıqlamış, sonradan aksiyanı dayandırmışdı.
İctimai fəal irəli sürülən ittihamları qəbul etmir. O, 2025-ci ilin avqustunda həbsdə olan müstəqil jurnalist Ülviyyə Əliyə verdiyi müsahibədə qazilərin və müharibə veteranlarının problemləri ilə bağlı sosial şəbəkələrdə və mediada səsləndirdiyi tənqidlərə görə həbs olunduğunu bildirmişdi.
Oxşar xəbərlər