Ruhani Paşinyanı İrana dəvət etdi

Ermənistanın Baş naziri Nikol Paşinyan İranın energetika naziri Reza Ardakanianı qəbul edib.

Bu barədə baş nazirin mətbuat xidməti məlumat yayıb.

Paşinyan Ermənistan-İran münasibətlərinin inkişaf etdirilməsinin vacibliyini vurğulayıb. O, eyni zamanda, iki ölkə arasında ticarət həcminin artırılması üçün mühüm addımların atılmasının zəruriliyinə diqqət çəkib.

İranın energetika naziri Reza Ardakanian Paşinyana İran prezidenti Həsən Ruhaninin ölkəsinə dəvət mesajını çatdırıb. Nazir, azad iqtisadiyyat və investisiya zonalarında əhəmiyyətli əməkdaşlığın qurulacağına əminliyini ifadə edib.

Görüşdə həmçinin regional və beynəlxalq məsələlər ətrafında fikir mübadiləsi aparılıb.

teleqraf.com