Qazaxıstanın adı dəyişə bilər – Təklif

Qazaxıstan parlamentinin deputatı, “Ak Jol” fraksiyasının rəhbəri Azad Peruaşev ölkənin adının dəyişdirilməsini təklif edib.

Axar.az xəbər verir ki, jurnalistlərə açıqlama verən Peruaşev ölkənin Qazax Respublikası adlandırılmasını istəyib. O, təklifi artıq hökumətə də göndərdiyini deyib.

Peruaşevin təklifini onun fraksiyasının bütün üzvləri dəstəkləyiblər.

Deputat respublikanın onu yaradan xalqın adına adlandırılmasının önəmli olduğunu deyib.

Peruaşev bununla tarixi ədalətin bərpa ediləcəyini bildirib.