ABŞ Prezidenti Donald Tramp Ukrayna müharibəsinin bitməsi Rusiyaya təzyiqi hədəfləyən qanununun həyata keçirilməsini təxirə salıb. Bununla da o, Konqresdə təmsil olunan demokratlar və respublikaçıların sərt tənqidlərinin hədəfi olub.

Trampın oktaybrın 16-da imzaladığı əmrdə tədbirlərin təxirə salınmasının ABŞ-nin milli maraqlarına uyğun olduğu qeyd edilib. ABŞ lideri qərarını sanskiyaların qüvvəyə minəcəyindən iki gün əvvəl verib.

İsrail Prezidenti İsxak Hersoqun Azərbaycana səfəri ətrafında qalmaqal böyüyür. Türkiyə mediasının iddiasına görə, İsxak Hersoq oktyabrın 14-də AZAL-a məxsus, “Şuşa” adlı təyyarə ilə Türkiyənin hava məkanından keçərək Bakıya gəlib.

Türkiyə 2025-ci ilin avqustunda Qəzzadakı müharibəyə görə hava məkanını İsrailin üzünə bağlayıb. İsxak Hersoqun Bakıya bu formada uçmasının ardınca müzakirələrin intensivləşməsi Türkiyənin bu qərarı ilə bağlıdır.

Orta məktəblərə hicablı şagirdlərin gəlişinə qadağalar fonunda etirazlar davam edir. Həftə boyu məktəblərə buraxılmayan hicablı qızlara dəstəklər təkcə ölkənin daxilindən deyil, xaricdən belə durmadan artmaqdadır. Beynəlxalq mətbuatın qınaq hədəfində olan azyaşlı hicablıların tədrisdən uzaqlaşdırılması sərt tənqid hədəfində mediaların əsas xəbərləri sırasındadır. Eyni halda, bu məsələdə hər bir təbəqədən olan insanlar da hicablılara dəstək nümayiş etdirməkdədirlər.

Hörmüz boğazının açılması üçün ABŞ-a yeddi günlük plan təqdim etmişik, indi seçim onlarındır.

“Tasnim”in xəbərinə görə, bunu İranın xarici işlər naziri Abbas Əraqçi deyib.

Əraqçi dialoq yolunun açıq saxlanılmasının zəiflik yox, məsuliyyət hissi olduğunu qeyd edib.

Həbsdə olan jurnalist Polad Aslanovun harada saxlanıldığı barədə ailəsinə məlumat verilmədiyi bildirilir.

Bu barədə onun həyat yoldaşı Gülmirə Aslanova sosial mediada məlumat yayıb.

Gülmirə Aslanovanın sözlərinə görə, o, son iki gün ərzində Ombudsmanın Çağrı Mərkəzinə, Penitensiar Xidmətin qaynar xəttinə və Ədliyyə Nazirliyinə dəfələrlə müraciət etsə də, həyat yoldaşının taleyi ilə bağlı məlumat ala bilməyib.

Husi qüvvələri Ədən Beynəlxalq Hava Limanına iki ballistik raket atıb.

Məlumatı Yəmənin beynəlxalq səviyyədə tanınmış hökuməti yayıb. Yəmənin informasiya naziri Müəmmər əl-Əryani sosial mediada bildirib ki, "raketlər təyyarədən 500 metr və uçuş-enmə zolağının mərkəzindən təxminən 100 metr məsafəyə düşüb".

Bütün Gürcüstan Müsəlmanları İdarəsinin (BGMİ) təşkilatçılığı ilə Tbilisidəki Alulbeytin Konfrans Zalında Xanım Zeynəbin (s.ə) mövlud gününə həsr olunmuş tədbir keçirilib.

Proqram çərçivəsində ilk olaraq BGMİ-nin Şeyxi Hacı Faiq Nəbiyev idarənin xanım icmasının üzvləri ilə iclas keçirib. İclasda Şeyx mövlud münasibətilə təbrik edib, sonra icmanın cari fəaliyyəti, qarşıda duran məsələlər və gələcək fəaliyyət planları geniş müzakirə olunub.

Beynəlxalq insan haqları təşkilatı “Amnesty International” disktiminativ hicab məhdudiyyəti vasitəsilə Azərbaycan məktəblərində təhsilə qoyulan qadağanı və bu qadağaya etiraz edənlərin polis tərəfindən saxlanılmasını pisləyən bəyanat yayıb.