02 October 2025

Mikeno gəmisi Qəzza sahillərinə çatdı

Qəzzaya humanitar yardım aparmaq üçün yola çıxan Qlobal Sumud Donanması İsrail donanmasının müdaxiləsinə məruz qalıb. Donanmanın öncül gəmilərindən Mikeno izləmə sisteminə görə artıq Qəzzanın sahil sularına daxil olub. Lakin gəmiyə İsrail qüvvələrinin müdaxilə edib-etmədiyi hələlik dəqiqləşməyib.

Hazırda təxminən 15 gəmi fəaliyyətdə qalaraq Qəzza sahillərindən 80 kilometr uzaqda irəliləyir. İsrail donanmasının hücumları nəticəsində ələ keçirilən gəmi sayı isə 26-ya çatıb.

Azərbaycanın 6 boksçusu finala yüksəldi

III MDB Oyunları çərçivəsində Yevlax Olimpiya İdman Kompleksində boks yarışları davam edir.

Azərbaycanın 6 boksçusu turnirin finalına yüksəlib.

Təmsilçilərimizdən Aysel Fərəcova (46 kq) özbəkistanlı Ruxşonabonu Əhədovaya qalib gələrək finala çıxıb.

50 kiloqram çəki dərəcəsində yarımfinalda mübarizə aparan Əminə Tağı belaruslu Arina Kmitadan üstün olub – 4:1.

Fransada yenidən etiraz aksiyaları başlayıb

Bu gün Fransada 2026-cı ilin büdcə düzəlişlərinə qarşı yenidən etiraz aksiyaları keçirilir.

Bu barədə “Le Monde” məlumat yayıb.

Məlumata görə, paytaxt Parisdə artıq minlərlə etirazçı toplaşıb.

Etiraz aksiyalarını təşkil edən Fransa Həmkarlar ittifaqlarının liderləri zənginlərdən vergilərin artırılmasını və sosial sahədə planlaşdırılan ixtisarların ləğvini tələb edirlər.

Minlərlə insan İsrail konsulluğu qarşısında Sumuda hücumu pisləyib

İsrailin Qlobal Sumuda həyata keçirdiyi hücumlardan sonra İstanbulun müxtəlif yerlərində etiraz aksiyaları keçirilib.

Bela aksiyalardan biri ötən axşam, oktyabrın 1-də İsrail konsulluğu qarşısında keçirilib.

İslam Həmrəyliyi Platforması, Köklü Değiştir jurnalı, Ecir Kapısı Dərnəyi, AGD kimi müxtəlif təşkilatların iştirak etdiyi nümayiş Quran tilavəti ilə başlayıb.

“QHT işi” üzrə ittiham olunanlardan bəzilərinin məhkəməsi başlayır

“QHT işi” üzrə ittiham olunan şəxslərdən bəzilərinin məhkəməsi başlayır.

Cinayət işi üzrə bir neçə nəfər barəsində ibtidai istintaq yekunlaşıb.

Bəşir Süleymanlı, Qalib Bayramov (Qalib Toğrul) və Nərgiz Muxtarova barəsində başlanan cinayət işi baxılması üçün Bakı Ağır Cinayətlər Məhkəməsinə göndərilib.

Britaniyada yəhudilərin sinaqoquna bıçaqlı hücum olub, 4 nəfər yaralanıb

Böyük Britaniyanın Böyük Mançester əyalətində yəhudilərin ibadət etdiyi sinaqoqda bıçaqlı hücum olub.

BBC xəbər verir ki, polis hadisə nəticəsində 4 nəfərin xəsarət aldığını bildirib.

Polis təhülkənin sovuşduğunu və hücumu törədən şəxsin zərərsizləşdirildiyini açıqlayıb.

Faktla bağlı araşdırma aparılır.

Qeyd edək ki, bu gün yəhudilər müqəddəs Yom Kippur gününü qeyd edir.

Mask sərvəti 500 milyard dollara çatan ilk insan oldu

Oktyabrın 1-də "Tesla"nın baş direktoru (CEO) İlon Maskın sərvəti 500 milyard dollar çatıb və bu, tarixdə bir ilkdir. "Reuters" yazır ki, bunun səbəbi "Tesla" elektromobil şirkətinin səhmlərinin yenidən bahalaşması, Maskın digər texnoloji startaplarının dəyərinin də bu il ərzində kəskin artmasıdır.

"Forbes" Milyarderlər İndeksi Maskın sərvətinin ötən gün 500.1 milyard dollara çatdığını yazıb.

Suriya şiə alimləri Ayətullah Sistaniyə başsağlığı verib

Suriya Əhli-beyt (ə) Müsəlmanları Ümumi İslam Heyəti Ayətullah Seyid Əli Sistaninin həyat yoldaşının vəfatı münasibətilə başsağlığı bəyanatı yayıb.

Bəyanatda deyilir:

“Bağışlayan və Mehriban Allahın adı ilə

“Ey arxayın (xatircəm) nəfs! Rəbbinə dön, sən Ondan razı, O da səndən razı olaraq! Beləliklə, Mənim bəndələrimin (xalis olanların) sırasına daxil ol və Cənnətimə gir!” (Fəcr surəsi, 27–30)

İsrailin Qəzzaya hücumları nəticəsində ölən jurnalistlərin sayı 254-ə çatıb

İsrail ordusunun 2023-cü il oktyabrın 7-dən bəri hücum etdiyi Qəzza zolağında öldürülən jurnalistlərin sayının 254-ə çatıb.

Qəzzadakı Media İdarəsi İsrailin Qəzzaya hücumları nəticəsində həlak olan jurnalistlərlə bağlı son rəqəmlərlə bağlı bəyanat yayıb.

Açıqlamada öldürülən jurnalistlərin Yəhya Bərzəq və Sami Davudun İsrailin hücumlarının ən son itkiləri olduğu, bununla da öldürülən jurnalistlərin sayının 254-ə çatdığı qeyd edilib.