Ərdoğan: Dünyadakı bütün dövlətləri İsrailə qarşı hərəkətə çağırıram

Türkiyə Prezidenti və AK Partiya başqanı Rəcəb Tayyib Ərdoğan partiyasının qrup toplantısında çıxış edib.

"Anadolu" agentliyinə istinadən verilən məlumata görə, Ərdoğan ilk öncə son zamanlar Türkiyədə müzakirə mpvzusu olan əsgərlik müddətini barədə çıxış danışaraq, "Qərb ölkələrində orduda üçün personal tapılmadığı bir vaxtda biz çağırışların qarşısını almaq üçün daim ödənişli əsgərlik qanunu çıxarmaq məcburiyyətində qalırıq", söyləyib.

Daha sonra Ərdoğan İsrail Knessetində qəbul edilən "Yəhudi Milli Dövləti" qanunu ilə bağlı də danışaraq, "bu qanun İsrailin dünyadakı ən sionist, ən faşist, ən irqçi dövlət olduğunun heç bir şübhəyə yer verməyəcək şəkildə sübutudur", - deyə bildirib:  "İslam dünyasını, xristian aləmini, dünyadakı demokratik və azadlıqsevər bütün dövlətləri, təşkilatları, qeyri-hökumət təşkilatlarını, media nümayəndələrini İsrailə qarşı hərəkətə keçməyə dəvət edirəm."

Prezident Ərdoğan, "Hitlerin ari irq aludəçiliyi ilə İsrail rəhbərliyinin bu qədim torpaqları təkcə yəhudilərə aid edən anlayış arasında heç bir fərq yoxdur. Dünyanı böyük bir fəlakətə sürükləyən Hitlerin ruhu, İsrailin bəzi rəhbərləri arasında yenidən xortlammışdır", - deyə qeyd edib.