ABŞ-ın Ankaradakı səfiri David Satterfild Türkiyənin Xarici İşlər Nazirliyinə (XİN) çağırılıb.
Bu barədə Türkiyə XİN məlumat yayıb.
Diplomata ABŞ Konqeresinin Nümayəndələr Palatasının qondarma "erməni soyqırımı" ilə bağlı qəbul etdiyi qətnaməyə görə etiraz notası təqdim olunub.
Oktyabrın 29-da ABŞ-ın Konqresinin Nümayəndələr Palatası (Aşağı Palata) qondarma "erməni soyqırımı"nın tanınması ilə bağlı layihəni qəbul edib. 405 konqresmen qətnamənin lehinə, 11-i isə əleyhinə səs verib.
Layihəni Nümayəndələr Palatasının Kəşfiyyat Komitəsinin sədri, Demokratlar Partiyasının üzvü, Kaliforniya dan konqresmen, ermənipərəst Adam Şiff təqdim edib.
Məlumata görə, qətnamə Konqresin Yuxarı Palatasında (Senat) da səsverməyə çıxarılacaq.
ABŞ səfiri Türkiyə XİN-ə çağırılıb
Oxşar xəbərlər