Prezident qəzetlərə 1 milyon manat maliyyə yardımı ayırıb

Prezident İlham Əliyev iyulun 22-də çap nəşrlərinə 1 mln. manat məbləğində əlavə maliyyə yardımının ayrılması haqqında sərəncam imzalayıb.

Sərəncam Azərbaycanda nəşr olunan qəzetlərin maddi-texniki bazasının gücləndirilməsi məqsədilə imzalanıb.

Sərəncama əsasən, Azərbaycanda nəşr olunan qəzetlərə əlavə maliyyə yardımı göstərmək üçün 2019-cu il dövlət büdcəsində nəzərdə tutulmuş Prezidentin Ehtiyat Fondundan Azərbaycan Prezidenti yanında Kütləvi İnformasiya Vasitələrinin İnkişafına Dövlət Dəstəyi Fonduna bir milyon manat (təxminən 600 min dollar) ayrılıb.

Qeyd edək ki, KİV-in İnkişafına Dövlət Dəstəyi Fondu vasitəsilə paylanan yardımın alıcıları hakimiyyətə loyal olan nəşrlərdir.

İyulun 22-də Azərbaycanda Milli Mətbuat Günü qeyd olunur.