İnanclı xanım polis zorakılığı ilə üzləşib. 14-cü polis bölməsinə gətirilən qadın 3 saat dindirildikdən sonra Müsəlman Birliyi Hərəkatının üzvü olmamasına dair izahatı alınaraq sərbəst buraxılıb.
Xəyalə Qurbanova Bakının Maştağa kəndində yaşayır və inanclı xanımdır. Bu səhər o, özünü telefon qovşağının işçisi kimi təqdim edən şəxs ondan Maştağa telefon idarəsinə gəlməsini istəyib. Məsələnin onun telefon müqaviləsi ilə bağlı olduğu xanıma çatdırılıb.
Baş verənlərin bir tələ olduğunu təsəvvür belə etməyən xanım telefon idarəsinə yaxınlaşanda gözlənilmədən qarşısını mülki maşın kəsib və bir neçə əməliyyatçı xanımı saxlayıb.
“Nə baş verdiyini anlamadım.Ətrafımda polis işçilərini görüncə nitqim qurudu. Nə olduğunu soruşsam da mənə bildirdilər ki, onlarla 14-cü polis bölməsinə getməliyəm. Mən inanclı, çadralı qadınam və onlarla deyil özümün gələcəyimi söyləsəm də razılaşmadılar. Niyə aparılacağımı gizlədikləri kimi imtina edəcəyim halda məni zorla idarəyə aparacaqlarını söyləyincə əlacsız qalıb maşına mindim.”
Mobil telefonunun yerləşdiyi çantası əlindən alındıqdan sonra Xəyalə xanım onlarla birlikdə 14-cü polis bölməsinə gəlib və 3 saata qədər saxlanılaraq dindirilib. Burada olduğu zaman o anlayıb ki, gətirilməsinə səbəb Müsəlman Birliyi Hərəkatı və bu hərəkatın üzvü olan bacısının həyat yoldaşı, siyasi məhbus Samir Babayev və onun xanımıdır.
Belə ki, 2022-ci ilin dekabrında həbs olunan Samir Babayevin həbsindən sonra eyni adla sosial şəbəkələrdə fəallıq göstərən həyat yoldaşı Günel Babayevanın paylaşımları 14-cü polis bölməsində ciddi narahatlıq yaradıb.
“Onlar Maştağadan həbs olunan bir neçə hərəkat üzvünün xanımlarının adını çəkdilər. Onları ailə başçılarının həbsindən sonra ailənin gəlirləri, onların haradan yardım almaları ciddi sorğulandı. Mənə bildirdilər ki, bacımı da idarəyə gətirəcək və paylaşımlarına görə onu cəzalandıracaqlar.”
Dindirmə Xəyalə Qurbanovadan MBH üzvü olmadığına dair izahat almaqla bitərək xanım sərbəst buraxılıb.
Xanım və ailəsi yaşananlarla bağlı hüquqi müstəvidə addım atmaq fikrindədirlər. Onlar əlaqədar orqanlara yazılı müraciət etməklə 14-cü polis bölməsinin qanunsuz əməlindən şikayət edəcəklərini bildiriblər.
İnanclı xanım polis zorakılığı ilə üzləşib; “Məni zorla idarəyə aparacaqlarını söyləyincə əlacsız qalıb maşına mindim”
İnanclı xanım polis zorakılığı ilə üzləşib. 14-cü polis bölməsinə gətirilən qadın 3 saat dindirildikdən sonra Müsəlman Birliyi Hərəkatının üzvü olmamasına dair izahatı alınaraq sərbəst buraxılıb.
Xəyalə Qurbanova Bakının Maştağa kəndində yaşayır və inanclı xanımdır. Bu səhər o, özünü telefon qovşağının işçisi kimi təqdim edən şəxs ondan Maştağa telefon idarəsinə gəlməsini istəyib. Məsələnin onun telefon müqaviləsi ilə bağlı olduğu xanıma çatdırılıb.
Baş verənlərin bir tələ olduğunu təsəvvür belə etməyən xanım telefon idarəsinə yaxınlaşanda gözlənilmədən qarşısını mülki maşın kəsib və bir neçə əməliyyatçı xanımı saxlayıb.
“Nə baş verdiyini anlamadım.Ətrafımda polis işçilərini görüncə nitqim qurudu. Nə olduğunu soruşsam da mənə bildirdilər ki, onlarla 14-cü polis bölməsinə getməliyəm. Mən inanclı, çadralı qadınam və onlarla deyil özümün gələcəyimi söyləsəm də razılaşmadılar. Niyə aparılacağımı gizlədikləri kimi imtina edəcəyim halda məni zorla idarəyə aparacaqlarını söyləyincə əlacsız qalıb maşına mindim.”
Mobil telefonunun yerləşdiyi çantası əlindən alındıqdan sonra Xəyalə xanım onlarla birlikdə 14-cü polis bölməsinə gəlib və 3 saata qədər saxlanılaraq dindirilib. Burada olduğu zaman o anlayıb ki, gətirilməsinə səbəb Müsəlman Birliyi Hərəkatı və bu hərəkatın üzvü olan bacısının həyat yoldaşı, siyasi məhbus Samir Babayev və onun xanımıdır.
Belə ki, 2022-ci ilin dekabrında həbs olunan Samir Babayevin həbsindən sonra eyni adla sosial şəbəkələrdə fəallıq göstərən həyat yoldaşı Günel Babayevanın paylaşımları 14-cü polis bölməsində ciddi narahatlıq yaradıb.
“Onlar Maştağadan həbs olunan bir neçə hərəkat üzvünün xanımlarının adını çəkdilər. Onları ailə başçılarının həbsindən sonra ailənin gəlirləri, onların haradan yardım almaları ciddi sorğulandı. Mənə bildirdilər ki, bacımı da idarəyə gətirəcək və paylaşımlarına görə onu cəzalandıracaqlar.”
Dindirmə Xəyalə Qurbanovadan MBH üzvü olmadığına dair izahat almaqla bitərək xanım sərbəst buraxılıb.
Xanım və ailəsi yaşananlarla bağlı hüquqi müstəvidə addım atmaq fikrindədirlər. Onlar əlaqədar orqanlara yazılı müraciət etməklə 14-cü polis bölməsinin qanunsuz əməlindən şikayət edəcəklərini bildiriblər.