13 May 2025

İsrail ordusu jurnalistləri qətlə yetirməkdə davam edir; Qəzzada şəhid olan jurnalistlərin sayının 215-ə yüksəldi

İsrail ordusunun Qəzza zolağının cənubundakı Xan Yunus şəhərindəki Nasir xəstəxanasına təşkil etdiyi hücumda bir jurnalist şəhid olub.

Fələstinin WAFA xəbər agentliyi İsrail ordusunun təyyarələrinin Nasser xəstəxanasına hücum etdiyini bildirib.

Əvvəlki hücumda yaralanan və xəstəxanada müalicə alan jurnalist Həsən Əbdülfəttah İslihin hücumda şəhid olduğu, bəzi xəstələrin isə yaralandığı bildirilib.

Tofiq Yaqublu iqtidar əleyhinə şər və böhtanı gündəmə gətirirdi, buna görə də bir neçə dəfə həbsə məruz qalıb

Milli Məclisin İnsan hüquqları komitəsinin sədri Zahid Oruc Müsavat Partiyasının və Milli Şuranın həbsdə olan üzvü Tofiq Yaqublunun siyasi fəaliyyətinə görə təzyiqlərə məruz qalmasını təsdiqləyib.

Modi: Pakistana qarşı hərbi əməliyyatlara ara verdik, dayandırmadıq

Hindistanın Baş naziri Narendra Modi, Pahalgam terror hücumuna cavab olaraq başladılan Sindoor əməliyyatının sadəcə bir ad olmadığını, bütün dünyanın Hindistanın qətiyyətinin hərəkətə keçdiyini anladığını bildirərək, Pakistana qarşı hərbi əməliyyatın yalnız dayandırıldığını açıqladı.

Hindistanın baş naziri Narendra Modi Pakistanla yaşanan gərginlikdən sonra xalqa müraciət edib.

Dünyanın ən böyük Quran nüsxəsi

Əfqanıstanlı xəttat dünyanın ən böyük Qurani-Kərim nüsxəsini hazırlayıb.

Sözügedən nüsxənin uzunluğu 2,28 metr, eni 1,55 metdir.

Əfqan xəttat Məhəmməd Sabir Hədri 9 tələbəsi ilə birlikdə bu Quran nüsxəsinin hazırlanmasına hər gün 18 saat işləməklə ümumilikdə 5 il vaxt sərf edib.

“Ən böyük Quran” nüsxəsinin çəkisi 500 kq-dir. Səhifə sayı isə 218-dir.

 

 

"Roma" və "Fiorentina" uduzdu

Bu gün İtaliya A seriyasında 36-cı tura yekun vurulub.

Son oyun günündə 2 matç keçirilib.

"Roma" səfərdə "Atalanta"ya uduzub. "Fiorentina" isə "Venetsiya"ya məğlub olub.

Hazırda A seriyasının turnir cədvəlinə 78 xalla "Napoli" liderlik edir. 77 xala malik "İnter" 2-ci, "Atalanta" isə 71 xalla 3-cüdür.

İtaliya A seriyası, 36-cı tur

12 may

“Amnesty International” Azərbaycanda fəaliyyət göstərən bütün səfirlikləri "Abzas Media"nın 13 mayda keçiriləcək növbəti məhkəmə prosesində iştirak etməyə çağırıb

“Amnesty International” beynəlxalq insan hüquqları təşkilatı “Abzas Media”nın həbsdə olan əməkdaşı Nərgiz Absalamovanın kampaniyası çərçivəsində bəyanat yayıb.

İqbal Əbilov son söz üçün məhkəmədən vaxt istəyib

Mayın 12-də Lənkəran Ağır Cinayətlər Məhkəməsində talış tarixinin tədqiqatçısı İqbal Əbilovun ittiham olunduğu iş üzrə məhkəmə prosesi keçirilib. 

Məhkəmədə müdafiə tərəfi vətənə xəyanət maddəsi ilə ittiham olunan gənc alimə qarşı heç bir sübutun olmadığını deyib və məhkəmədən onun üçün bəraət istəyib. 

Əbilov isə məhkəmədən son sözünü demək üçün vaxt istəyib. 

Növbəti məhkəmə prosesi mayın 15-ə təyin olunub.