Həbslərə etiraz olaraq insanlar bu gün alış-veriş etməyəcəklərini bəyan ediblər.
Yoldaşlarının həbsi ilə bağlı universitet tələbələri “İqtisadi gücümüzü istifadə edirik, bayramdan sonra istehlaka bir günlük ara veririk” şüarı ilə kampaniyaya başlayaraq, 2 apreldə boykota qoşulmağa çağırıblar.
İstanbul Böyükşəhər Bələdiyyə Başçısı Əkrəm İmamoğlunun saxlanmasından sonra CHP lideri Özgür Özel 22 martda verdiyi açıqlamada, etirazları işıqlandırmayan medianı tənqid edərək, bunun davam etməsi halında "istehlakdan gələn güclərini" istifadə edəcəklərini bildirib və boykot mesajı verib:
“Mənə deyirlər ki, yuxarıdan çox telefon gəlir. Mən isə sizə aşağıdan – milyonlardan, 10 milyonlardan telefon gətirəcəyəm. Sizi izləyənlərin 70%-i bizə səs verir. Ya tərəfsiz olun, ya da bundan sonra qarşınızdayıq.”
Bu açıqlamadan sonra Özel bəzi şirkətlərin adlarını açıqlayaraq, həmin şirkətlərə qarşı boykot çağırışı edib.
26 martda Prezident Rəcəb Tayyib Ərdoğan ad çəkmədən həmin şirkətlərə dəstək mesajı verərək, "Heç bir şirkətimizi bunların insafına buraxmayacağıq” deyib.
İqtisadçı Prof. Kozanoğlu, boykot siyahısında yer alan və əsasən ağ yaxalı, orta sinif insanların alış-veriş etdiyi yerlərin boykotun təsirini daha çox hiss edə biləcəyini bildirir. O, xüsusilə məhsul maya dəyərindən çox işçi maaşı və icarə xərcləri yüksək olan mağaza zəncirlərinin dövriyyə azalmasından daha sərt təsirlənəcəyini vurğulayır.
Məsələn, İsrailin Qəzzəyə hücumları səbəbilə boykot edilən bəzi qlobal şirkətlərin böyümə proqnozları və ya satışları aşağı düşüb.
McDonald's, İsrail-Qəzzə müharibəsinin bəzi bazarlardakı fəaliyyətinə "əhəmiyyətli dərəcədə təsir etdiyini” açıqlamış, 2024-cü ilin ilk rübündə dörd ildən sonra ilk dəfə satış hədəfinə çata bilməmiş və bunun "yanlış məlumatlar" səbəbindən baş verdiyini bildirmişdi. Şirkətin səhmləri də bu xəbərlərin ardından 4% dəyər itirmişdi.
Starbucks-ın satışları da bir çox ölkədə İsrailin dəstəklənməsinə etiraz məqsədilə boykot edildikdən sonra gözlənildiyi kimi olmamış, səhmləri 7% dəyər itirmişdi. 2024-cü ilin avqust ayında isə şirkətin baş direktorunun dəyişdiriləcəyi elan edilmişdi.
MeydanTV
Bu gün Türkiyədə "iqtisadi boykot" var!