İranda dollar aksiyası: İş adamları ayağa qalxdı

İranlı iş adamları Tehranda etiraz aksiyasına başlayıblar.

Teleqraf.com xəbər verir ki, onlar milli valyuta olan rialın dollar qarşısında kəskin devalvasiyasına etiraz ediblər.

İran iqtisadiyyatının sürətlə çökdüyünü bildirən iş adamları rialın kəskin dəyər itirməsinin daha ciddi problemlərə yol açacağını bildiriblər.

Biznesmenlər İran hakimiyyətini etinasızlıqda ittiham edərək, dövlət büdcəsini Suriyadakı hərbi əməliyyatlara xərclədiyini deyirlər.

“Suriyanı burax, bizim vəziyyətimizə bax!”, “Tətil!” kimi şüarlar səsləndirən iş adamları bütün sahibkarları tətilə çağırıblar. Artıq bir sıra sektorlarda tətil elan edilib.