ABŞ-İsrailin İrana qarşı başlatdığı müharibənin fonunda Türkiyənin hərbi kontingenti NATO-nun çıxarış planı əsasında İraqdan təxliyə olunub.
Bu barədə Türkiyə Müdafiə Nazirliyinin bəyanatında deyilir.
“Regionumuzda baş verən son hadisələrlə əlaqədar olaraq ‘NATO-nun İraqdakı Missiyası’nın çıxarılması barədə qərar qəbul edilib”, – deyə qeyd edilib.
ABŞ-ın Yaxın Şərqdə 17 hərbi bazası məhv edilib.
ABŞ-da müharibəyə münasibət dəyişir
“Associated Press” və NORC Araşdırma Mərkəzinin keçirdiyi sorğunun nəticələrinə görə, amerikalıların əksəriyyəti İrana qarşı həyata keçirilən müharibədən həddindən artıq olduğunu düşünür.
Sorğu nəticələrinə əsasən, respondentlərin 59 faizi ABŞ-ın son hərbi addımlarını “ifrat” kimi qiymətləndirib.
Araşdırma göstərir ki, ABŞ prezidenti Donald Trampın ümumi reytinqində ciddi dəyişiklik olmasa da, müharibə onun administrasiyası üçün siyasi yükə çevrilə bilər.
Fransa Liqa 1-in 29-cu turunun "Lans" - PSJ oyunu təxirə salınıb.
Bu addım Paris klubunun UEFA Çempionlar Liqasının 1/4 final mərhələsində İngiltərə "Liverpul"u ilə matça daha yaxşı hazırlaşa bilməsi səbəbindən atılıb.
Misirdə yerləşən Quran qiraətçiləri (qariləri) muzeyi ziyarətçiləri qiraət (Quranın tilavəti) sənətinin tarixi ilə tanış etmək məqsədi daşıyır.
Burada sərgilənən eksponatlar və audio irs Misir yaddaşının mühüm hissəsini təşkil edir.
Muzey rəsmi olaraq 16 dekabrda açılıb və Qahirənin yaxınlığında yerləşən yeni inzibati paytaxtda – İslam Mədəniyyət Mərkəzindəki Dar əl-Quran əl-Kərim kompleksində fəaliyyət göstərir.
Hacc ziyarətinə sənəd qəbulu aprelin ilk həftəsonunadək uzadılıb.
Bu barədə Qafqaz Müsəlmanları İdarəsi (QMİ) Xarici Əlaqələr şöbəsinin müdiri, Hacc elektron sistem rəhbəri Vüsal Cahangiri məlumat verib.
“Qeydiyyatdan keçənlər arasında azyaşlılar da var. Kvotanın 92 faizi dolub, cəmi 8 faiz yer qalıb. Hacca niyyətli olan vətəndaşlarımızdan xahiş edirik ki, yubanmadan gəlib qeydiyyatdan keçsinlər”, - Vüsal Cahangiri bildirib.
Azərbaycan 2025-ci ildə Avropa İnsan Hüquqları Məhkəməsində (AİHM) qərar verilən və Avropa Şurası Nazirlər Komitəsinə (AŞNK) göndərilən işlərin sayı üzrə 2-ci yer tutub.
Bu, AŞNK-nin illik hesabatında öz əksini tapıb.
Ötən il, ümumilikdə, AİHM 921 iş üzrə qərar verib və komitəyə icrasına nəzarət üçün göndərib. 2024-cü ildə isə bu rəqəm 992 idi.
Türkiyəyə məxsus "ALTURA" adlı xam neft tankeri Qara Dənizdə dronla vurulub.
Rusiyadan yola çıxan və 140 min ton xam neft daşıyan tanker gəmi İstanbul Boğazından təxminən 15 mil uzaqlıqda, Qara dənizdə dron hücumuna məruz qalıb.
Hadisə zamanı güclü partlayış baş verib. Gəminin göyərtəsində və körpü hissəsində zədələnmə qeydə alınıb. Həmçinin ciddi fəsadlar nəticəsində gəmiyə su dolduğu bildirilib.
Gəmidəki 27 nəfərdən ibarət türk heyətinin vəziyyətinin yaxşı olduğu qeyd olunub.
İrana humanitar yardım aparan Rusiya Fövqəladə Hallar Nazirliyinin (FHN) yük qatarı "Azərbaycan Dəmir Yolları" QSC-nin "Qaradağ" stansiyasından yola salınıb.
Humanitar yardım dərman vasitələrindən ibarətdir.
Yükün ümumi çəkisi 300 tondan çoxdur.
İsrail ordusu Livanda məscidə hücum edərək onu partladıb.
İran Silahlı Qüvvələri ölkə sahillərindən ABŞ-yə məxsus "USS Abraham Lincoln" aviadaşıyıcısına bir neçə qanadlı raket atıb.
Bu barədə “Press TV” teleqram kanalı görüntülər paylaşıb.
Livanın “Hizbullah” hərəkatı ötən gün ərzində İsrail ordusuna qarşı 87 uğurlu hərbi əməliyyat həyata keçirib.
Bu əməliyyatlar İsrailin şimal bölgəsindəki hərbi hədəflərə, həmçinin Livan ərazisinə daxil olmuş İsrail hərbçilərinə qarşı olub.
Bundan başqa, Təl-Əvivdəki hədəflərə də ballistik raketlərlə zərbələr endirilib.
"Qalatasaray" mövsümün sonunda müqaviləsi başa çatan Mario Lemina ilə bağlı qərar verib.
İstanbul nəhəngi qabonlu yarımmüdafiəçini komandada saxlayacaq. "Sarı-qırmızılar" 32 yaşlı dayaq yarımmüdafiəçisinin sözləşməsinin müddətini daha 1 il uzadacaq.
Qeyd edək ki, "Qalatasaray" Mario Leminanı 2025-ci ilin yayında "Vulverhempton"dan transfer edib.
İfşaedici telefon zəngindən sonra günlərdir ki, ictimai fəal Samir Babayevlə əlaqə saxlamaq mümkün olmur. 1 saylı Bakı İstintaq Təcridxanasından yayılan səs yazısında Babayev saxlanıldığı müddətdə polis idarələrində gördüyü işgəncələrdən danışmışdı. O, hətta dövlət qurumlarında polis əməkdaşlarının ona fiziki zor tətbiq edərək başını unitaza salmağa cəhd etdiklərini açıqlamışdı.
Amerika və İsrailin siyasi kursunu düşmənçilik üzərində formalaşdıran zülm maşınına qarşı etiraz, İranın bir gün bu güclərlə qarşılaşacağını aydın göstərirdi. İsrailin Qəzzədə dinc əhaliyə qarşı həyata keçirdiyi qətliamlar tarixin əbədi ləkəsi olaraq qalacaq. Yalnız 2023-cü ilin oktyabrından bəri Qəzzədə öldürülən körpələrin sayı 20 mindən çoxdur.
Rəsmi Tehran İsrailə və Körfəz ölkələrinə hücumlarını artıraraq, öz şərtlərini, o cümlədən "kompensasiya" və "Hörmüz boğazına nəzarət"i irəli sürüb. İran çərşənbə günü ABŞ-ın müharibəni dayandırmaq planını rədd edib və Küveyt Beynəlxalq Hava Limanında böyük yanğına səbəb olan hücum da daxil olmaqla, İsrailə və Körfəz ölkələrinə qarşı daha çox hücumlar həyata keçirib.
