Rusiya Ukraynanın paytaxtı Kiyevi vurdu, ölənlər var

Rusiya ordusunun Ukraynanın paytaxtı Kiyevə endirdiyi hava zərbəsi nəticəsində 3 nəfər ölüb, 8 nəfər yaralanıb.

Ukrayna Fövqəladə Hallar üzrə Dövlət Xidmətinin (DSNS) Telegram hesabından edilən yazılı açıqlamada Rusiyanın bu gecə Kiyevə hava hücumu təşkil etdiyi bildirilib.

Açıqlamada hücumların paytaxtın müxtəlif yerlərində həyata keçirildiyi, biri uşaq olmaqla 3 nəfərin həyatını itirdiyi, 8 nəfərin isə yaralandığı qeyd edilib.

Açıqlamada axtarış-xilasetmə işləri nəticəsində 27 nəfərin xilas edildiyi bildirilib.

Kiyev meri Vitali Kliçko da sosial media hesabından verdiyi açıqlamada rusların gecə boyu pilotsuz uçuş aparatları (PUA) ilə Kiyevə hücumlar təşkil etdiyini bildirib.