İlk təməlini haqq və batil, ədalət və zülm, nur və zülmət olaraq iki cəbhəni bir-birindən ayırmaq üçün inşa edilən Qüds məscidi bu gün dəqiq hədəfinin kluminasiyasındadır. Bir zamanlar bu məbəd Allah və şeytan cəbhələri arasında böyük bir sədd olaraq ucaldılan Allah evi zamanla həqiqətin təcəllasına çevrildi. Dünyanın mərkəzində ədalət mübarizəsinin simvolu olan bu İlahi məkan XXI əsrdə bəşəriyyətin bütün qaranlıq qütblərini aşaraq qaniçən, insanlıq əleyhinə cinayətlərdə ən amansız tərəf, aparteid rejim olan İsrailin kimliyini dünyaya tanıtdığı kimi, ona dəstək verən, əlində demokratiyanı şüar edərək cinayətlərini bu pərdə altında gizlədən Amerikanı belə ifşa etməyi bacardı.
Qüds bu gün bütün azadlıq sevərlərin ölümsüzlük əsəri olaraq, onları zülmlə mübarizəyə çağıran bir simvoldur. O, rəngindən, cinsindən, irqindən, dini inancından asılı olmayaraq hər kəsi eyni hədəf, eyni ideologiya, ədalətin bərqərar olması üçün birlik və bərabərliyə səsləyir.
Heç təsadüfi deyildir ki, böyük güclərin məngənəsində olan Qüds onun fövqəl gücə malik olması təhlükəsini duyan düşmənin hədəfində ikən, hər növ məhdudiyyətlərə baxmayaraq, öz haqq çağırışı ilə dünyaya QÜDS deyilən bir mübarizə məşəlini alovlandırmaqdadır. Bu atəşin bütün düşmənləri yandırmayana qədər sönməyəcəyi qətidir.
Qüds Yunan mifologiyasının Femidası, Amerikanın Azadlıq heykəli və sair bu kimi mifik təxəyyülün məhsulu deyil, o, tarixlərin hər səhifəsində öz həqiqətini nümayiş etdirən, dünyanın ədalət bayrağını qürurla üzərində gəzdirən İlahi məkandır.
Mütləq Qüds azad, dünyanın köksündə döyünəcək ürək olaraq bir gün mütləq hürriyyətini əldə edəcək. O zamana qədər isə o, mübarizənin düz mərkəzində, zülmün önündə, haqqın yanında durmağla öz missiyasını davam etdirəcək.
Qüds - mübarizə və azadlıq simvolu