Qəzza zolağında 2025-ci il oktyabrın 10-dan qüvvəyə minmiş razılaşmadan sonra İsrail tərəfindən atəşkəs rejiminin 969 dəfə pozulduğu qeydə alınıb.
Bu barədə Fələstin anklavı hakimiyyətinin mətbuat xidməti öz Telegram kanalında məlumat yayıb.
Məlumata görə, bu müddət ərzində İsrail tərəfdən “razılaşmanın 969 dəfə pozulması” qeydə alınıb. Bunlara 455 hava və artilleriya zərbəsi, dinc fələstinlilərə və onların evlərinə 298 atəş açılması halları, eləcə də yaşayış və inzibati binaların zədələnməsi və ya dağıdılması ilə müşayiət olunan digər insidentlər, İsrail hərbi texnikasının Qəzza zolağının müxtəlif ərazilərinə daxil olması daxildir. Bildirilir ki, bu hadisələr nəticəsində 418 fələstinli həlak olub, 1 140-dan çox insan yaralanıb.
Qəzza hakimiyyəti bir daha İsraili əldə olunmuş razılaşmalara baxmayaraq, anklava zəruri humanitar yardımın çatdırılmasına mane olmaqda ittiham edib. Onların iddiasına görə, Qəzza ərazisinə yerli əhalinin minimum ehtiyaclarını qarşılamaq üçün tələb olunan humanitar yüklərin cəmi təxminən 42 faizi daxil olub. Bu səbəbdən anklavda ərzaq, dərman, su və yanacaq çatışmazlığı hələ də kəskin olaraq qalır. Qəzzada bildirilib ki, qış mövsümünün və soyuqların başlaması humanitar böhranı daha da dərinləşdirir.
Atəşkəsdən sonra Qəzzada 969 dəfə insident qeydə alınıb
Qəzza zolağında 2025-ci il oktyabrın 10-dan qüvvəyə minmiş razılaşmadan sonra İsrail tərəfindən atəşkəs rejiminin 969 dəfə pozulduğu qeydə alınıb.
Bu barədə Fələstin anklavı hakimiyyətinin mətbuat xidməti öz Telegram kanalında məlumat yayıb.
Məlumata görə, bu müddət ərzində İsrail tərəfdən “razılaşmanın 969 dəfə pozulması” qeydə alınıb. Bunlara 455 hava və artilleriya zərbəsi, dinc fələstinlilərə və onların evlərinə 298 atəş açılması halları, eləcə də yaşayış və inzibati binaların zədələnməsi və ya dağıdılması ilə müşayiət olunan digər insidentlər, İsrail hərbi texnikasının Qəzza zolağının müxtəlif ərazilərinə daxil olması daxildir. Bildirilir ki, bu hadisələr nəticəsində 418 fələstinli həlak olub, 1 140-dan çox insan yaralanıb.
Qəzza hakimiyyəti bir daha İsraili əldə olunmuş razılaşmalara baxmayaraq, anklava zəruri humanitar yardımın çatdırılmasına mane olmaqda ittiham edib. Onların iddiasına görə, Qəzza ərazisinə yerli əhalinin minimum ehtiyaclarını qarşılamaq üçün tələb olunan humanitar yüklərin cəmi təxminən 42 faizi daxil olub. Bu səbəbdən anklavda ərzaq, dərman, su və yanacaq çatışmazlığı hələ də kəskin olaraq qalır. Qəzzada bildirilib ki, qış mövsümünün və soyuqların başlaması humanitar böhranı daha da dərinləşdirir.