Times of Israel: İsrail silahlı qüvvələrinin tankları Suriya sərhədini keçib

İsrail silahlı qüvvələrinin tanklarının Suriya sərhədini keçdiyi barədə məlumat yayılıb.

Bu barədə “Times of Israel” nəşri məlumat yayıb.

“Əsəd rejiminin bir gecədə süqutundan sonra Suriya mənbələri İsrail tanklarının Colan təpələri tərəfdən Suriya sərhədini keçdiyini iddia edir”, – nəşr qeyd edib.

Təsdiqlənməmiş məlumatlara görə, İsrail qüvvələrinin Kuneytra bölgəsindəki bufer zonasına daxil olduğu və ərazini artilleriya atəşinə tutduğu bildirilir.

İsrail ordusu hazırda müvafiq məlumatları şərh etməyib.