Bakı metropoliteni sərnişinlərin istifadəsinə iki yeni qatar verib

Moskvada ("Metrovaqonmaş" ASC) Bakı metropoliteni üçün hazırlanmış on vaqondan ibarət iki qatar avqustun 22-dən sərnişinlərin istifadəsinə verilib.

81-765.B / 766 vaqonları texnoloji innovasiyalar baxımından 4-cü nəslə aiddir. 2019-cu ilin yanvarın 31-də "Transmaşholdinq"lə imzalanmış razılaşmaya əsasən, bu il Bakı metropoliteni üçün 30 yeni vaqon hazırlanacaq. 10 vaqondan ibarət iki qatar sazlama və sınaq işlərindən sonra iyunun 4-də Bakıya göndərilib.