Londonda Ümumdünya Qüds Günü yürüşü keçirilib

İngiltərənin paytaxtı Londonda minlərlə insan Ümumdünya Qüds Günü çərçivəsində Fələstinə dəstək üçün yürüş keçirib.

Londonda keçirilən Ümumdünya Qüds Günü yürüşünə minlərlə insan qatılıb. İnsan haqları fəalları, müharibə əleyhdarı qruplar və anti-sionist yəhudilər Qəzzada baş verən humanitar böhrana diqqət çəkərək Fələstin xalqına öz dəstəklərini veriblər.

Fələstin bayraqları daşıyan etirazçılar beynəlxalq ictimaiyyəti “Azad Fələstinə” və “Qəzzəyə ədalət” şüarları ilə hərəkətə keçməyə çağırıblar. Çıxışlarda vurğulanıb ki, işğalçıların hücumları dayandırılmalı və Fələstin xalqına qarşı zülmə son qoyulmalıdır.

Hər il Ramazan ayının son cümə günü keçirilən Dünya Qüds Günü tədbirləri Fələstinlə həmrəyliyi gücləndirməyə davam edir.

Ümumdünya Qüds Günü ilk dəfə İran İslam İnqilabının rəhbəri İmam Xomeyni tərəfindən elan edilib.