Köçəryan Paşinyanı "səriştəsiz" adlandırdı

Ermənistanın ikinci prezidenti Robert Köçəryan iki səbəbdən siyasətə qayıtmaq niyyətindədir. Bu barədə o, "Yerkir Media" telekanalına müsahibəsində danışıb.

O, qeyd edib ki, Ermənistanın mövcud geosiyasi vəziyyəti və hazırki hakimiyyətinin kifayət qədər təcrübə və bilik səviyyəsinin olmaması onu narahat edir: "Niyə siyasətə qayıtmağa məcburam? Bunun iki səbəbi var və onlardan birincisi - geosiyasi vəziyyətdən qaynaqlan risklərdir. Xəritəyə sadəcə baxmaq kifayət edir ki, Ermənistan hansı ölkələrin əhatəsindədir və qonşuları ilə hansı əlaqələri mövcuddur. Bundan başqa onların təcrübəsiə yoxdur, mən onları bunda günahlandırmıram. Sorosun qrantları hesabına ictimai təşkilatlarda başqa işlərlə məşğul olan adamın axı təcrübəsi necə olsun?".