Activities calendar

Gürcüstanın Marneuli bələdiyyəsinin Qızılhacılı kəndində Həzrət Fatimə Zəhranın (s.ə) şəhadət ildönümünə həsr olunmuş seminar keçirilib.

Tədbirdə həm yerli sakinlər, həm də qonşu bölgələrdən gələn qonaqlar iştirak ediblər.

Altun Sultanovun rəhbərliyi ilə keçən proqram Nicat Musayevin Quran ayələri oxuması ilə açıq elan olunub. Daha sonra mövzu üzrə ilahiyyatçılar Fuad İsayev, Qurban Murquzov və Bəşər Məmmədov məruzələrlə çıxış ediblər.

Azərbaycan samboçusu Tuncay Şamil Özbəkistanın paytaxtı Daşkənddə keçirilən böyüklər arasında sambo üzrə 50-ci yubiley dünya çempionatında uğurlu çıxışı ilə diqqət mərkəzinə düşüb. 98 kq çəki dərəcəsində mübarizə aparan idmançımız dünya çempionatının gümüş medalına sahib olub.

Çempionluğa gedən yolda Tuncay Şamil Ermənistan, Gürcüstan və Özbəkistan təmsilçilərini məğlub edərək finala yüksəlib. Xüsusilə güclü rəqiblər üzərində ardıcıl qələbələri onun yüksək hazırlığını və əzmkarlığını nümayiş etdirib.

Naxçıvanda hərbi xidmət keçən Elnar Tağıyevin naməlum şəraitdə həyatını itirdiyi deyilir.

“Meydan TV”nin məlumatına görə, hərbçinin yaxınları Elnar Tağıyevin oktyabrın son həftəsində hərbi xidmətə yollandığını bildiriblər.

Noyabrın 8-də keçirilən andiçmə mərasimindən sonra əsgərlərin bir neçə saatlıq evə buraxıldığı, lakin ailənin həmin gün günortadan sonra Elnar Tağıyevlə əlaqə saxlaya bilmədiyi qeyd olunub.

İtaliyada elektron poçt vasitəsilə göndərilən bomba hədələrindən sonra ölkə üzrə azı 300 məktəb təxliyə olunub.

Bu barədə “Reuters“agentliyi məlumat yayıb.

İtaliyanın təhsil naziri Cüzeppe Valditara “La7” telekanalına açıqlamasında bildirib ki, bomba hədələri ilə bağlı eyni məzmunlu elektron məktub ölkənin müxtəlif bölgələrindəki təhsil müəssisələrinə göndərilib. Onun sözlərinə görə, təxliyə edilən məktəblərin sayı arta bilər.

Almaniya Bundestaqının deputatı, Avropa Şurası Parlament Assambleyasında Sosialistlər, Demokratlar və Yaşıllar Qrupunun sədri Frank Şvabe Azərbaycanı avtoritar idarəetmənin olduğu ölkələr sırasında adlandırıb və ölkədə siyasi səbəblərlə həbs olunanların sayının durmadan artdığını deyib.

Bəhreyndə saxlanılan din alimləri ittihamları imzalamağa məcbur edilir və həbsdə işgəncə və təhdidlərlə üzləşirlər.

Bəhreynli siyasi fəal Seyid Tahir Musəvi bildirib ki, 67 din alimi "Alimlər dosyesi" çərçivəsində mühakimə olunur, onlardan 47-si həbsxanada, 11-i isə ölkə xaricindədir. Musəvi müxtəlif işlərdə saxlanılan din alimlərinin ümumi sayının 60-ı keçdiyini qeyd edib.

ABŞ-ın maliyyə naziri Skott Bessent İrandan qaynaqlanan təhlükəsizlik təhdidləri səbəbindən evindən hərbi bazaya köçürülüb.

Bu barədə “The News York Times” məlumatlı üç mənbəyə istinadən məlumat yayıb.

Məlumata görə, Bessent İranın təhdidləri səbəbindən yaşayış yerini dəyişən ilk ABŞ rəsmisi deyil.