180 min müsəlman Məscidül-Əqsada camaat namazı qılıb

İsrailin sərt təhlükəsizlik tədbirləri və məhdudiyyətlərinə baxmayaraq, 180 min müsəlman Ramazan ayının 27-ci gecəsi Əl-Əqsa məscidinə toplaşaraq işa və təravih namazlarını birlikdə qılıb.

Qüds İslam Vəqfləri İdarəsindən verilən açıqlamaya görə, Ramazan ayının 27-ci gecəsində təxminən 180 min insan Əl-Əqsa məscidində növbəyə düzülüb.

Fələstin Administrasiyasına bağlı Qüds Valiliyi “(İsrail) işğalının Qüds şəhərini hərbi kazarmaya çevirməsinə və bütün məhdudiyyətlərə baxmayaraq, on minlərlə müsəlmanın Məscidül-Əqsaya axışdığını” açıqlayıb.

İsrail polisi Əl-Əqsa məscidinə gedən yolları nəqliyyatın hərəkətinə bağlayıb. Fələstinlilər qatil İsrailin İçərişəhər ətrafında qurduğu keçid məntəqələrindən keçərək Məscidül-Əqsaya çatıblar.

Fələstinin rəsmi xəbər agentliyi WAFA-nın verdiyi məlumata görə, İordan çayının qərb sahilindən Məscidül-Əqsaya gəlmək istəyən fələstinlilər İsrailin Qalandiyadakı keçid məntəqəsində bloklanıb.

İsrailin işğal altındakı İordan çayının qərb sahilindən gələn fələstinlilərin müəyyən sayda insana keçməsinə icazə verdiyi və bir çoxunun yaş tələbinə uyğun olmasına baxmayaraq, nəzarət-buraxılış məntəqələrinə geri qaytarıldığı bildirilir.