ABŞ-ın Kaliforniya ştatında, Los-Anceles şəhərinin şimal-şərqində yerləşən Edvards Hərbi Hava Bazasına məxsus B-52 tipli strateji bombardmançı təyyarə qəzaya uğrayıb.
Məlumata görə, təyyarə yerli vaxtla saat 11:20-də planlaşdırılmış sınaq uçuşu üçün havaya qalxıb. Lakin uçuşdan qısa müddət sonra qəza baş verib. Hərbi baza rəsmiləri hadisənin ağır nəticələrə səbəb olduğunu və ilkin məlumatlara əsasən ekipaj üzvlərinin hamısının həlak ola biləcəyini bildiriblər.
Qəzadan dərhal sonra fövqəladə hallar və xilasetmə qrupları hadisə yerinə cəlb olunub. Hadisə nəticəsində ərazidə sıx qara tüstü müşahidə edilib.
Yayılan görüntülərdə hərbi bazanın ərazisində böyük yanıq izlərinin yarandığı, habelə tüstünün uzun müddət davam etdiyi görünür. Bununla yanaşı, təyyarənin qalıqlarını aydın şəkildə müəyyən etmək mümkün olmayıb.
Rəsmilər hazırda ekipaj üzvlərinin taleyini dəqiqləşdirmək və qəzanın səbəblərini araşdırmaq istiqamətində iş aparırlar.
Qəza səbəbindən Edvards bazasının hava limanı müvəqqəti olaraq bağlanıb. Bölgəyə yönələn bütün uçuşların marşrutu dəyişdirilib.
Bundan əlavə, hərbi baza rəhbərliyi kommersiya məqsədi daşımayan bütün ziyarət icazələrinin növbəti bildirişədək dayandırıldığını açıqlayıb.
B-52 bombardmançısı ABŞ Hərbi Hava Qüvvələrinin ən uzunömürlü hərbi təyyarələrindən hesab olunur. İlk dəfə 1955-ci ildə istismara verilən bu model uzaqmənzilli strateji zərbə imkanlarına malikdir.
Hazırda istifadə olunan B-52H versiyası 70 min funtadək bomba və müxtəlif sursat daşıya bilir. Təyyarə həmçinin nüvə silahları və nüvə başlıqlı qanadlı raketlərlə təchiz oluna bilir. ABŞ Hərbi Hava Qüvvələrinin inventarında hazırda bu tipdən 76 ədəd mövcuddur.
B-52 ilə bağlı son ölümcül hadisə 2008-ci ildə qeydə alınıb. Həmin vaxt Quam adası yaxınlığında baş verən qəzada 6 hərbçi həyatını itirmişdi.
Bundan sonra müxtəlif texniki yenilənmələr həyata keçirilsə də, təyyarələrin yaşı və istismar müddətinin uzunluğu mütəmadi olaraq müzakirə mövzusu olub.
ABŞ Hərbi Hava Qüvvələri son illərdə B-52 parkının xidmət müddətini uzatmaq üçün geniş modernizasiya proqramına başlayıb. Layihə çərçivəsində yeni mühərriklərin quraşdırılması və texniki sistemlərin yenilənməsi nəzərdə tutulur. Proqramın ümumi dəyərinin 48,6 milyard dollar olacağı bildirilir.
Təyyarənin istehsalı 1962-ci ildə dayandırıldığı üçün ehtiyat hissələrinin böyük hissəsi istifadədən çıxarılmış hava gəmilərindən əldə edilir.
ABŞ-da B-52 bombardmançısı qəzaya uğradı: 8 nəfər öldü
ABŞ-ın Kaliforniya ştatında, Los-Anceles şəhərinin şimal-şərqində yerləşən Edvards Hərbi Hava Bazasına məxsus B-52 tipli strateji bombardmançı təyyarə qəzaya uğrayıb.
Məlumata görə, təyyarə yerli vaxtla saat 11:20-də planlaşdırılmış sınaq uçuşu üçün havaya qalxıb. Lakin uçuşdan qısa müddət sonra qəza baş verib. Hərbi baza rəsmiləri hadisənin ağır nəticələrə səbəb olduğunu və ilkin məlumatlara əsasən ekipaj üzvlərinin hamısının həlak ola biləcəyini bildiriblər.
Qəzadan dərhal sonra fövqəladə hallar və xilasetmə qrupları hadisə yerinə cəlb olunub. Hadisə nəticəsində ərazidə sıx qara tüstü müşahidə edilib.
Yayılan görüntülərdə hərbi bazanın ərazisində böyük yanıq izlərinin yarandığı, habelə tüstünün uzun müddət davam etdiyi görünür. Bununla yanaşı, təyyarənin qalıqlarını aydın şəkildə müəyyən etmək mümkün olmayıb.
Rəsmilər hazırda ekipaj üzvlərinin taleyini dəqiqləşdirmək və qəzanın səbəblərini araşdırmaq istiqamətində iş aparırlar.
Qəza səbəbindən Edvards bazasının hava limanı müvəqqəti olaraq bağlanıb. Bölgəyə yönələn bütün uçuşların marşrutu dəyişdirilib.
Bundan əlavə, hərbi baza rəhbərliyi kommersiya məqsədi daşımayan bütün ziyarət icazələrinin növbəti bildirişədək dayandırıldığını açıqlayıb.
B-52 bombardmançısı ABŞ Hərbi Hava Qüvvələrinin ən uzunömürlü hərbi təyyarələrindən hesab olunur. İlk dəfə 1955-ci ildə istismara verilən bu model uzaqmənzilli strateji zərbə imkanlarına malikdir.
Hazırda istifadə olunan B-52H versiyası 70 min funtadək bomba və müxtəlif sursat daşıya bilir. Təyyarə həmçinin nüvə silahları və nüvə başlıqlı qanadlı raketlərlə təchiz oluna bilir. ABŞ Hərbi Hava Qüvvələrinin inventarında hazırda bu tipdən 76 ədəd mövcuddur.
B-52 ilə bağlı son ölümcül hadisə 2008-ci ildə qeydə alınıb. Həmin vaxt Quam adası yaxınlığında baş verən qəzada 6 hərbçi həyatını itirmişdi.
Bundan sonra müxtəlif texniki yenilənmələr həyata keçirilsə də, təyyarələrin yaşı və istismar müddətinin uzunluğu mütəmadi olaraq müzakirə mövzusu olub.
ABŞ Hərbi Hava Qüvvələri son illərdə B-52 parkının xidmət müddətini uzatmaq üçün geniş modernizasiya proqramına başlayıb. Layihə çərçivəsində yeni mühərriklərin quraşdırılması və texniki sistemlərin yenilənməsi nəzərdə tutulur. Proqramın ümumi dəyərinin 48,6 milyard dollar olacağı bildirilir.
Təyyarənin istehsalı 1962-ci ildə dayandırıldığı üçün ehtiyat hissələrinin böyük hissəsi istifadədən çıxarılmış hava gəmilərindən əldə edilir.