Gəncədə futzal yarışında insidentlə bağlı 5 nəfər inzibati həbs olunub

Noyabrın 18-də Tələbə Həmkarlar Təşkilatının təşkilatçılığı ilə Gəncə şəhər Olimpiya Kompleksində Gəncə Dövlət Universitetinin və Azərbaycan Dövlət Aqrar Universitetinin tələbləri arasında futzal yarışında müşahidə olunan mübahisə ilə bağlı Gəncə şəhər Baş Polis İdarəsində araşdırma aparılıb. Məlumatı Operativtv.com APA-ya istinadən verir.

DİN-in Mətbuat xidmətinin Gəncə regional qrupunun baş inspektoru, polis kapitanı Eşqin Qasımovun  verdiyi məlumata görə, ictimai qaydanı pozan 5 şəxs barəsində müvafiq protokol tərtib olunaraq Gəncə şəhər Məhkəməsinə göndərilib. Məhkəmənin müvafiq qərarları ilə 2 nəfər barəsində 30, 1 nəfər barəsində 15, 2 nəfər barəsində 10 sutka müddətində inzibati həbs növündə tənbeh tədbiri tətbiq edilib.

 
  •