Azərbaycan və İranda taktiki təlimlər keçiriləcək. Bu barədə Azərbaycan Müdafiə Nazirliyinin məlumatında bildirilir.
Məlumata görə, 2024-cü ilin planına uyğun, iyunun 12-də Azərbaycan ordusunun Naxçıvan Muxtar Respublikasında dislokasiya olunan bölmələri ilə taktiki təlim keçiriləcək.
Rəsmi məlumatda qeyd edilir ki, təlimə şəxsi heyət, döyüş texnikası, aviasiya vasitələri və pilotsuz uçuş aparatları cəlb olunacaq: “Azərbaycanla İran arasında əldə olunmuş razılaşma əsasında İran ordusunun müvafiq qüvvə və vasitələrinin cəlb edilməsi ilə eyni vaxtda qonşu dövlətin ərazisində də taktiki təlim keçiriləcək.”
Açıqlamaya görə, hər iki ölkədə keçiriləcək təlimlərdə strateji obyektlərin və kommunikasiya xətlərinin mümkün təxribat-diversiya fəaliyyətlərindən mühafizəsi üzrə müxtəlif tapşırıqlar koordinasiyalı şəkildə yerinə yetiriləcək.
Ötən ilin oktyabrında Azərbaycan və İran hərbi dəniz qüvvələri Xəzər dənizində birgə hərbi təlimlər keçirmək barədə razılığa gəlib.
Azərbaycan və İranda hərbi təlimlər keçirəcək
Azərbaycan və İranda taktiki təlimlər keçiriləcək. Bu barədə Azərbaycan Müdafiə Nazirliyinin məlumatında bildirilir.
Məlumata görə, 2024-cü ilin planına uyğun, iyunun 12-də Azərbaycan ordusunun Naxçıvan Muxtar Respublikasında dislokasiya olunan bölmələri ilə taktiki təlim keçiriləcək.
Rəsmi məlumatda qeyd edilir ki, təlimə şəxsi heyət, döyüş texnikası, aviasiya vasitələri və pilotsuz uçuş aparatları cəlb olunacaq: “Azərbaycanla İran arasında əldə olunmuş razılaşma əsasında İran ordusunun müvafiq qüvvə və vasitələrinin cəlb edilməsi ilə eyni vaxtda qonşu dövlətin ərazisində də taktiki təlim keçiriləcək.”
Açıqlamaya görə, hər iki ölkədə keçiriləcək təlimlərdə strateji obyektlərin və kommunikasiya xətlərinin mümkün təxribat-diversiya fəaliyyətlərindən mühafizəsi üzrə müxtəlif tapşırıqlar koordinasiyalı şəkildə yerinə yetiriləcək.
Ötən ilin oktyabrında Azərbaycan və İran hərbi dəniz qüvvələri Xəzər dənizində birgə hərbi təlimlər keçirmək barədə razılığa gəlib.