2014-cü ildə öz doğma torpaqlarına gedərkən həbs edilən soydaşlarımız Dilqəm Əsgərov və Şahbaz Quliyev indiyə kimi haqsız yerə erməni əsirliyində saxlanılır. Bu gün Şahbaz Quliyevin doğum günüdür. Çətin də olsa o, indi dəmir barmaqlıqlar arasında doğum günündə daha çox ailəsinin yanında olmağı arzu edir.
Şahbaz Quliyevin qardaşı İlham Quliyev Moderator.az-a açıqlamasında qardaşına görə artıq əsəblərinin tarıma çəkildiyini bildirib:
“Bu gün Şahbazın 50 yaşı tamam olur. Siz təsəvvür edin biz nə vəziyyətdəyik. 2014-cü ildən qardaşım Şahbazla Dilqəm Əsgərov erməni əsirliyində saxlanılır. Bu qədər yazılır, deyilir, amma heç bir xeyri yoxdur. Yorulmuşam bu sual-cavabdan, artıq əsəblərim artıq tarıma çəkilib”.
“Artıq əsəblərim tarıma çəkilib...”- Əlli yaşı erməni əsirliyində tamam olan Şahbaz Quliyevin qardaşı...
Oxşar xəbərlər