Təl-Əviv küçələrinə çıxan etirazçılarla hakimiyyət qüvvələri arasında qarşıdurma yaşandı

İsrailin baş naziri Benyamin Netanyahunun müdafiə naziri Yoav Gallantı vəzifəsindən azad etməsi və xarici işlər naziri İsrael Katzı təyin etməsi İsraildə müxalifət tərəfinin reaksiyasına səbəb olub.

Müxalifətin xalqı küçələrə çıxmağa dəvət etməsindən sonra nümayişçilər Netanyahu hökuməti əleyhinə şüarlar səsləndirərək paytaxt Təl-Əvivin Ayalon küçəsində küçəni nəqliyyatın hərəkətinə bağlayıb və ocaqlar qalayıblar.

Təl-Əvivlə yanaşı, Qüds və bəzi şəhərlərdə də etirazların görüntüləri paylaşılıb.

Netanyahunun qərarını alqışlayan Milli Təhlükəsizlik Naziri İtamar Ben-Qvir, Gallantın müdafiə naziri olacağı təqdirdə "mütləq qələbənin əldə edilməsinin mümkün olmadığını" iddia edib.

Müxalifət Qallantın işdən çıxarılmasını pisləsə də, Demokrat Partiyasının sədri Yair Qolan ictimaiyyəti etiraz etmək üçün küçələrə çıxmağa dəvət edib.

Netanyahu 2023-cü ildə Gallantı istefaya göndərməyə çalışdı, lakin küçə etirazlarından sonra geri çəkilmişdi.