Fevralın 27-də Bakı Ağır Cinayətlər Məhkəməsində növbəti “müqəssirə” hökm oxunub. Məhkəmə Müsəlman Birliyi Hərəkatının üzvü Qurban Quliyev barəsində CM-nin 234.4.3-cü (külli miqdarda narkotik vasitələrin psixotrop maddələrin alqı satqısı və istehsalı) maddəsi ilə ittiham aktına baxılıb.
Məhkəmədə şahidlərin dindirilməsindən sonra son söz olaraq Qurban Quliyev danışıb. O, bildirib ki, həbsinin səbəbi hər kəsə bəllidir. Ölkədə dini diskriminasiya yaşanır və şiələr ciddi təzyiq altındadır.
“Mən dinimə, əqidəm Cəfəri Şiəsi olduğu üçün həbsə salınıram, olsun, bunu qəbul etməyə hazıram. Ancaq mənim 5 qız övladımı atasından ayrı salan, onlara maddi-mənəvi işgəncə yaşadanlar bilsin ki, onların haqqı həbsimi sifariş verən və icra edən hər kəsin boynundadır.”
Hakim Fərid Namazov qaldırılan vəsadətləri araşdırdıqdan sonra qərarı elan edib. O, ittihama uyğun dəlil sübutların olmaması səbəbindən narkotiklərə aid maddəni 234.4.3-dən 234.1-1-ə (satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə, saxlama, hazırlama, emal etmə, daşıma) tövsif edərək Qurban Quliyevi 3 il müddətinə azadlıqdan məhrum edib.
Xatırlad ki, I Qarabağ Müharibəsində qardaşının şəhid olduğu Qurban Quliyev 2024-cü ilin 22 iyun tarixində saxlanılmış və barəsində saxta narkotiklərlə bağlı ittiham irəli sürülmüşdü.
Qurban Quliyevə hökm oxundu – 3 il