Cənubi Livanda elan olunan və yerli vaxtla saat 16:00-da qüvvəyə mindiyi bildirilən atəşkəsə baxmayaraq, işğalçı İsrail ordusu bölgədə hava əməliyyatlarını davam etdirib.
Məlumata görə, işğalçı İsrail aviasiyası Cənubi Livanın müxtəlif yaşayış məntəqələrinə 16-dan çox hava zərbəsi endirib. Hücumların Şukin, Meyfdun, Cəbəl ər-Rəfi, Reyhan və digər əraziləri hədəf aldığı bildirilib.
Məlumatlara əsasən, Nəbətiyyə şəhərinə endirilən hava zərbəsi atəşkəsin qüvvəyə minməsi ilə demək olar ki, eyni vaxta təsadüf edib.
Bölgədə yaşayan sakinlər partlayış səslərinin bir neçə istiqamətdən eşidildiyini bildiriblər. Hücumların yaşayış məntəqələrinə və infrastruktur obyektlərinə ziyan vurduğu qeyd olunur.
Bundan əvvəl yüksək vəzifəli ABŞ rəsmisi beynəlxalq mediaya açıqlamasında işğalçı İsrail və Hizbullah arasında əldə olunduğu bildirilən atəşkəs razılaşmasının qüvvəyə mindiyini bəyan etmişdi.
Eyni zamanda Vaşinqton və Tehran arasında imzalandığı bildirilən anlaşma memorandumunda da bölgədəki bütün cəbhələrdə, o cümlədən Livanda hərbi əməliyyatların dayandırılması nəzərdə tutulurdu.
Livan Səhiyyə Nazirliyinin yaydığı məlumata görə, işğalçı İsrailin gecə saatlarından etibarən həyata keçirdiyi intensiv hücumlar nəticəsində 47 nəfər həlak olub, 97 nəfər isə yaralanıb.
Nazirlik həmçinin bildirib ki, 2 mart tarixindən 19 iyunadək davam edən hücumlar nəticəsində ümumilikdə 3 980 nəfər həyatını itirib, 12 001 nəfər yaralanıb.
Atəşkəs elan olunmasına baxmayaraq, bölgədə hərbi vəziyyətin sabitləşmədiyi müşahidə olunur. Tərəflərdən rəsmi açıqlamalar gözlənilsə də, Cənubi Livanda təhlükəsizlik vəziyyəti hələ də gərgin olaraq qalır.
“Atəşkəs” başladı, lakin İsrail hücumları dayandırmadı
Cənubi Livanda elan olunan və yerli vaxtla saat 16:00-da qüvvəyə mindiyi bildirilən atəşkəsə baxmayaraq, işğalçı İsrail ordusu bölgədə hava əməliyyatlarını davam etdirib.
Məlumata görə, işğalçı İsrail aviasiyası Cənubi Livanın müxtəlif yaşayış məntəqələrinə 16-dan çox hava zərbəsi endirib. Hücumların Şukin, Meyfdun, Cəbəl ər-Rəfi, Reyhan və digər əraziləri hədəf aldığı bildirilib.
Məlumatlara əsasən, Nəbətiyyə şəhərinə endirilən hava zərbəsi atəşkəsin qüvvəyə minməsi ilə demək olar ki, eyni vaxta təsadüf edib.
Bölgədə yaşayan sakinlər partlayış səslərinin bir neçə istiqamətdən eşidildiyini bildiriblər. Hücumların yaşayış məntəqələrinə və infrastruktur obyektlərinə ziyan vurduğu qeyd olunur.
Bundan əvvəl yüksək vəzifəli ABŞ rəsmisi beynəlxalq mediaya açıqlamasında işğalçı İsrail və Hizbullah arasında əldə olunduğu bildirilən atəşkəs razılaşmasının qüvvəyə mindiyini bəyan etmişdi.
Eyni zamanda Vaşinqton və Tehran arasında imzalandığı bildirilən anlaşma memorandumunda da bölgədəki bütün cəbhələrdə, o cümlədən Livanda hərbi əməliyyatların dayandırılması nəzərdə tutulurdu.
Livan Səhiyyə Nazirliyinin yaydığı məlumata görə, işğalçı İsrailin gecə saatlarından etibarən həyata keçirdiyi intensiv hücumlar nəticəsində 47 nəfər həlak olub, 97 nəfər isə yaralanıb.
Nazirlik həmçinin bildirib ki, 2 mart tarixindən 19 iyunadək davam edən hücumlar nəticəsində ümumilikdə 3 980 nəfər həyatını itirib, 12 001 nəfər yaralanıb.
Atəşkəs elan olunmasına baxmayaraq, bölgədə hərbi vəziyyətin sabitləşmədiyi müşahidə olunur. Tərəflərdən rəsmi açıqlamalar gözlənilsə də, Cənubi Livanda təhlükəsizlik vəziyyəti hələ də gərgin olaraq qalır.