Həbsdə olan inanclıların həbs dövründə ailələri ilə bağlı təhdid edilməsi onların istintaq zamanı öz ifadələrində də yer alıb. Hətta bir çox inanclılar onlara qarşı sürülən ittihamları qəbul edib sənədə qol çəkmələrini də məhz ailələri ilə bağlı təzyiq olunmasına görə oldğunu məhkəmə salonlarında etiraf ediblər. Məlumdur ki, hər bir Azərbaycanlı kişisi üçün namusu qırmızı xəttidır.
Buna görə də məsələnin bu müstəviyə çəkilməsi haqlı narahatlığa səbəb olur.
Aprelin 2-də 17 saylı cəzaçəkmə müəssisəsində həbs həyatı yaşayan inanclı Elvin Quliyev evinə zəng vurarkən həyat yoldaşı ona Dövlət Təhlükəsizlik Xidmətindən zəng vurularaq idarəyə gəlməsini istədiklərini bildirib. Xanım dəvətin səbəbini soruşsa da, idarə bu barədə məlumat verməkdən çəkinib.
Gənc evdar xanımın DTX-ya dəvət olunması xanımda narhatlıq yaratdığı kimi Elvini də narahat edib. Telefon zəngindən narahat dönən Elvin məsələ ilə bağlı həbsxana rəhbərliyinə müraciət edib və həyat yoldaşının təhlükəsizlik idarəsinə çağırılmasını inanclılara davam edən təzyiqin növbəti mərhələsi olduğunu bildirib. Məsələ həllini tapmayana qədər isə o, aclıq edəcəyini bildirərək etiraz göstərəcəyini deyib.
Onun bu qərarından sonra müəssisə rəhbərliyi Elvin Quliyevi karserə salıb. Bununla eyni zamanda məsələnin həlli üçün müəssisə rəhbərliyi baş idarəyə müraciət də edib.
Verilən son məlumata görə məsələ öz həllini tapıb. Əlaqədar təşkilatlar məsələ ilə bağlı anlaşılmamazlıq olduğunu bildirib və xanımdan üzr istəyiblər.
Həyat yoldaşının DTX-ya çağırılmasına etiraz edən inanclı karsa salındı