Ayətullah Xamenei: İsrailə qarşı koalisiya yaratmaq lazımdır!

İsrailin Qəzza sektoru və Livanda keçmişdə və hazırda etdikləri ən sərt, amansız, qəddar hərbi cinayətlərdən biridir.

Operativtv Az.rasthaber-ə istinadən xəbər verir ki, bu barədə İran İslam İnqilabının Ali lideri Ayətullah Xamenei bildirib. 

“Müharibə, əlbəttə ki, ağırdır, bu, şübhəsiz belədir. Lakin hətta müharibənin belə qaydaları, qanunları, məhdudiyyətləri var. Kiminləsə vuruşarkən, işğal edilmiş Fələstin torpaqlarında hökmranlıq edən cinayətkar qruplaşma kimi (İsrailin etdiyi kimi), bütün bu məhdudiyyətləri ayaqlamaq və tapdalamaq olmaz“, - deyə o əlavə edib.

“Dünya bununla mübarizə aparmalıdır, dövlətlər buna qarşı çıxmalıdır, məxsusən də İslam dövlətləri. Söhbət köməyin edilib-edilməməsindən getmir. Bu rejimə yardım ən dəhşətli və böyük günahlardan biridir. Bu gün ən qəddar hərbi cinayətləri törədən mənfur sionist rejiminə qarşı qlobal koalisiya – siyasi, iqtisadi bir koalisiya yaratmaq lazımdır, lazım gələrsə, hərbi koalisiya da yaratmaq lazımdır“, - deyə Ayətullah Xamenei vurğulayıb.