İsrail Livanın Bint Cbeyl şəhərini mühasirəyə alıb, gərgin döyüşlər gedir

İsrail Ordusu Livanın Bint Cbeyl şəhərini mühasirəyə alıb, Hizbullahla gərgin döyüşlər gedir.

Bu barədə Livan Milli İnformasiya Agentliyi məlumat yayıb.

İsrail hərbçiləri şəhərin məhəllələrə daxil olmağa cəhd göstərir. Şəhərin ətrafına və giriş hissələrinə artilleriya zərbələri endirilib.

Agentlik İsrailin Kana şəhərinə endirdiyi zərbə nəticəsində 5 nəfərin öldüyü barədə də məlumat yayıb, yaralılar var.

İsrail Ordusu bu hadisə ilə bağlı heç bir şərh verməyib.