Azərbaycanda hökumət BBC News Azərbaycancanın Bakıda fəaliyyətinin dayandırılmasına göstəriş verib.
Bu barədə “BBC” Azərbaycanca məlumat yayıb.
Bəyanatda deyilir ki, “BBC News” Azərbaycanca Xarici İşlər Nazirliyindən şifahi bildiriş aldıqdan sonra ölkədəki ofisini bağlamaq barədə “məcburi qərar” verib.
“Biz mətbuat azadlığına qarşı bu məhdudlaşdırıcı addımdan dərin təəssüf hissi keçiririk. Bu qərar Azərbaycana və bu ölkədən xəbər verilməsi fəaliyyətinə əngəl yaradacaq. “BBC”-yə bu tələb yalnız şifahi şəkildə çatdırılıb, şirkət Azərbaycan hökumətindən yazılı heç nə almayıb və bir sıra kanallar vasitəsilə məsələyə aydınlıq gətirməyə çalışıb. Bakıdakı jurnalist komandası işini dayandırıb və şirkət bu göstərişlə bağlı aydınlaşdırma aparmaqdadır. Azərbaycan dilində xəbər verməyə davam edəcəyik”, – bəyanatda deyilir.
MeydanTV
Hökumət BBC News Azərbaycancanın Bakıda fəaliyyətinin dayandırılmasına göstəriş verib